தவறவிடாதீர்கள்..!உடனே பதிவு செய்யுங்கள்

கன்னட திரையுலகின் முன்னணி நட்சத்திர நடிகரான துருவா சர்ஜா கதையின் நாயகனாக நடித்திருக்கும் 'மார்ட்டின்' திரைப்படத்தின் டீசர் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

கன்னட இயக்குநர் ஏ. பி. அர்ஜுன் இயக்கத்தில் தயாராகும் புதிய திரைப்படம் 'மார்ட்டின்'. இதில் கன்னட திரையுலகின் 'எக்சன் பிரின்ஸ்' துருவா சர்ஜா கதையின் நாயகனாக நடிக்க, அவருக்கு ஜோடியாக நடிகை வைபவி சாண்டில்யா நடிக்கிறார்.

சத்யா ஹெக்டே ஒளிப்பதிவு செய்திருக்கும் இந்த திரைப்படத்திற்கு ரவி பஸ்ரூர் இசையமைத்திருக்கிறார். எக்சன் என்டர்டெய்னராக தயாராகும் இந்த திரைப்படத்தை வாசவி என்டர்பிரைசஸ் எனும் பட நிறுவனம் சார்பில் தயாரிப்பாளர் உதய் கே. மேத்தா தயாரித்திருக்கிறார்.

இந்தத் திரைப்படத்தின் படப்பிடிப்பு பணிகள் நிறைவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. தமிழ், தெலுங்கு, மலையாளம், இந்தி, கன்னடம் ஆகிய மொழிகளில் வெளியாகும் இந்தத் திரைப்படத்தின் டீசர் வெளியாகும் திகதி அதிகாரப்பூர்வமாக அறிவிக்கப்பட்டிருக்கிறது. அந்த வகையில் இந்த படத்தின் டீசர் பெப்ரவரி மாதம் 23ஆம் திகதியன்று வெளியாகிறது.

கன்னட திரையுலகத்திலிருந்து 'கே. ஜி. எஃப்', 'காந்தாரா' என வரிசையாக இந்திய அளவில் வசூல் ரீதியாக வெற்றி பெறும் திரைப்படங்கள் தயாராகி வருவதாலும், எக்சனுக்கு முக்கியத்துவம் கொடுத்து 'மார்ட்டின்' எனும் திரைப்படமும் தயாராகியிருப்பதாலும், இந்தப் படம் வணிக ரீதியாகவும் விமர்சன ரீதியாகவும் பாரிய வெற்றியை பெறும் என திரையுலக வணிகர்கள் அவதானிக்கிறார்கள்.