தவறவிடாதீர்கள்..!உடனே பதிவு செய்யுங்கள்

அறிமுக நடிகர் இஷான் நடிப்பில் தயாராகியிருக்கும் 'அரியவன்' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது. இதனை 'மக்கள் செல்வன்' விஜய் சேதுபதி தன்னுடைய இணைய பக்கத்தில் வெளியிட்டிருக்கிறார்.

'யாரடி நீ மோகினி', 'உத்தமபுத்திரன்', 'திருச்சிற்றம்பலம்' ஆகிய படங்களை இயக்கிய இயக்குநர் மித்ரன் ஆர். ஜவஹர் இயக்கத்தில் தயாராகி இருக்கும் புதிய திரைப்படம் 'அரியவன்'.

இதில் புதுமுக நடிகர் இஷான் கதையின் நாயகனாக நடிக்க, அவனுக்கு ஜோடியாக பொலிவுட் நடிகை ப்ரனாலீ கோக்ரா நடித்திருக்கிறார். இவர்களுடன் நடிகர் டேனியல் பாலாஜி முக்கிய வேடத்தில் நடித்திருக்கிறார். 

கே. எஸ். விஷ்ணு ஸ்ரீ ஒளிப்பதிவு செய்திருக்கும் இந்த திரைப்படத்திற்கு ஜேம்ஸ் வசந்தன், வேத் சங்கர், கிரி நந்த் ஆகிய மூவர் இணைந்து இசையமைத்திருக்கிறார்கள்.

உண்மை சம்பவங்களை தழுவி தயாராகி இருக்கும் இந்த திரைப்படத்தை எம் ஜி பி மாஸ் மீடியா எனும் பட நிறுவனம் தயாரித்திருக்கிறது.

இப்படத்தின் படப்பிடிப்பு பணிகள் முழுவதும் நிறைவடைந்து, இறுதி கட்டப் பணிகள் தற்போது விறுவிறுப்பாக நடைபெற்று வருகிறது. இந்நிலையில் படத்தின் ஃபர்ஸ்ட் லுக் வெளியிடப்பட்டிருக்கிறது. ஃபர்ஸ்ட் லுக்குடன் இப்படத்தின் மோஷன் போஸ்டரும் வெளியிடப்பட்டிருக்கிறது. நாயகன் இஷானின் தோற்றம் ரசிகர்களை கவர்ந்திருக்கிறது.