பாடலாசிரியரும், கவிஞருமான மதன் கார்க்கியின் சிந்தனையில், தயாரிப்பாளரும், திரைப்படத்துறை நல விரும்பியுமான கோ. தனஞ்செயனின் வழிகாட்டலில் 'ஸ்க்ரிப்டிக்' எனப்படும் திரைக்கதை வங்கி ஒன்று புதிதாக தொடங்கப்பட்டிருக்கிறது.
இதனை இயக்குநர் இமயம் பாரதிராஜா தொடங்கி வைத்து வாழ்த்து தெரிவித்திருக்கிறார்.
காட்சி வழியிலான படைப்பு ஊடகம் என கருதப்படும் திரைப்படத்திற்கு, திரையில் சொல்லப்படும் கதை எனும் திரைக்கதை அவசியம்.
கதை நன்றாக இருந்தும் திரைக்கதை செழுமையாக இல்லாத காரணத்தினால் தோல்வி அடைந்த பல முத்திரை படைப்புகளை கடந்த தசாப்தங்களில் நாம் கடந்து வந்திருக்கிறோம்.
அதே தருணத்தில் இன்றைய போட்டிகள் நிறைந்த திரையுலகத்தில் இளம் பார்வையாளர்களை கவர்வதற்கு... சவாலான கதை மட்டுமல்ல, ஒவ்வொரு நிமிடமும் ஆச்சரியப்படுத்தும் வகையினதான வியப்பூட்டும் காட்சிகளும், திரைக்கதைகளும் தேவைப்படுகின்றன.
இதனை கருத்தில் கொண்டு பாடலாசிரியர்- வசனகர்த்தா- கதாசிரியர் -எழுத்தாளர் என பன்முக ஆளுமை திறனுடன் திரையுலகில் கோலோச்சும் மதன் கார்க்கியின் சீரிய சிந்தனையில் உதித்த வடிவம் தான் 'ஸ்கிரிப்டிக்' எனும் திரைக்கதை வங்கி.
இதனை தயாரிப்பாளர்- விநியோகஸ்தர்- திரைப்படத்துறை நல விரும்பி என பன்முக அவதாரத்துடன் வலம் வரும் கோ. தனஜெயனுடன் விவாதித்து, அவரின் வழிகாட்டலுடன் இணையதளம் மூலமாக இதனை அறிமுகப்படுத்தி சந்தைப்படுத்தி இருக்கிறார்கள்.
இதற்காக பிரத்யேக வலைதளத்தை தொடங்கியிருக்கும் இவர்கள், அந்த வலைதளத்தில் வெவ்வேறு ஜேனரிலான பத்து நேரடி திரைக்கதைகளும், மூன்று மறு உருவாக்க திரைக்கதைகளும், ஒரேயொரு தழுவல் பாணியிலான திரைக்கதையும் இடம்பெற்றுள்ளன.
இதனை தயாரிப்பாளர்களும், இயக்குநர்களும் தங்களுடைய வெற்றி படைப்பிற்காக தெரிவு செய்து கொள்ள இயலும். மேலும் புதிதாக திரைக்கதை எழுதும் எழுத்தாளர்களுக்கு இவர்கள் திரைக்கதை எழுதுவதற்கான வாய்ப்பும் அளிக்கிறார்கள்.
இதன் காரணமாக இந்த திரைக்கதை வங்கி தமிழ் திரையுலகத்தை அதன் ரசனை அளவிலும்... புதிய படைப்புத்திறன் அளவிலும்... சாதனை படைத்து சகாப்தத்தை உருவாக்கும் என எதிர்பார்க்கலாம்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM