தவறவிடாதீர்கள்..!உடனே பதிவு செய்யுங்கள்

பேர்த்தில் சுறாதாக்குதலில் சிறுமி உயிரிழந்தாரா என்பது குறித்து விசாரணைகள் ஆரம்பமாகியுள்ளன.

மேற்கு அவுஸ்திரேலியாவில் நோர்த் பிரெமென்டல் பகுதியில் ஸ்வான் ஆற்று பகுதியில் சிறுமி ஒருவர் உயிரிழந்துள்ளமை குறித்தே விசாரணைகள் ஆரம்பமாகியுள்ளன.

கடலில் நண்பிகளுடன் நீச்சலில்  ஈடுபட்டிருந்தவேளை சிறுமி உயிரிழந்தமை  குறித்து விசாரணைகள் இடம்பெறுகி;ன்றன.

டொல்பின்களை பார்த்ததும் அவற்றை நோக்கி நீந்திய சிறுமியை சுறா தாக்கியதை பார்த்ததாக நண்பிகள் தெரிவித்துள்ளனர்.

நபர் ஒருவர் சிறுமியை காப்பாற்றுவதற்காக கடலில் குதித்தார் ஆனால் சிறுமி கரையோரத்தில் உயிரிழந்தார் என தகவல்கள் வெளியாகியுள்ளன.

சுறா கடித்தமைக்கான காயங்கள் உடலில் தென்படுகின்றனவா என்ற விபரங்கள் வெளியாகவில்லை ஆனால் மக்கள் அவதானமாக இருக்கவேண்டும் என்ற அறிவிப்பு வெளியாகியுள்ளது.