தவறவிடாதீர்கள்..!உடனே பதிவு செய்யுங்கள்

நாட்டின் சில பிரதேசங்களில் இன்றைய தினம் பல முறை மழை பெய்வதற்கான சாத்தியக்கூறுகள் இருப்பதாக வளிமண்டலவியல் திணைக்களம் அறிக்கை வெளியிட்டுள்ளது. 

அதன்படி, கிழக்கு, ஊவா மாகாணங்களிலும் ஹம்பாந்தோட்டை, பொலன்னறுவை மாவட்டங்களிலும் அடிக்கடி மழை பெய்யலாம் என கூறப்படுகிறது.

அத்துடன் மேல், சப்ரகமுவ, மத்திய மாகாணங்களிலும் காலி, மாத்தறை மாவட்டங்களிலும் பல இடங்களில் பிற்பகல் அல்லது இரவு வேளைகளில் மழையோ அல்லது இடியுடன் கூடிய மழையோ பெய்யக்கூடும்.

இடியுடன் கூடிய மழை பெய்யும் வேளைகளில் தற்காலிகமாக பலத்த காற்றும் வீசக்கூடும். 

இதேவேளை நாட்டை சூழவுள்ள கடற்பரப்புகளில் காற்றானது வடகிழக்கு திசையிலிருந்து வீசக்கூடும். 

அத்துடன் காற்றின் வேகமானது மணித்தியாலத்துக்கு 20-30 கிலோ மீற்றர் வரை காணப்படும்.

சிலாபத்திலிருந்து மன்னார் ஊடாக காங்கேசன்துறை வரையான கரையோரத்துக்கு அப்பாற்பட்ட கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 40 கிலோ மீற்றர் வரை அதிகரிக்கக்கூடும் எனவும் அந்த கடல் பரப்புகள் ஓரளவு கொந்தளிப்பாக இருக்கும் எனவும் கூறப்படுகிறது.

மேலும், நாட்டை சூழவுள்ள ஏனைய கடற்பரப்புகளில் அலைகளின் தன்மை இயல்பாக காணப்படும்.