உலகக் கிண்ணத்தை 3ஆவது தொடர்ச்சியான தடவையாக வெல்வதற்கு அவுஸ்திரேலியா முயற்சிக்கும் - மென் லெனிங்

31 Jan, 2023 | 08:22 PM
image

(என்.வீ.ஏ.)

சர்வதேச மகளிர் கிரிக்கெட் அரங்கில் வெகுவாக முன்னேற்றம் கண்டுள்ள அவுஸ்திரேலியா, ஐசிசி மகளிர் இருபது 20 உலகக் கிண்ண கிரிக்கெட் போட்டியில் மூன்றாவது தொடர்ச்சியான தடவையாக உலக சம்பியனாவதற்கு முயற்சிக்கும் என அணித் தலைவர் மெக் லெனிங் தெரிவித்துள்ளார்.

தென் ஆபிரிக்காவில் பெப்ரவரி மாதம் 10ஆம் திகதி ஆரம்பமாகவுள்ள 8ஆவது ஐசிசி மகளிர் இருபது 20 உலகக் கிண்ண கிரிக்கெட் போட்டி தொடர்பாக ஐசிசி உத்தியோகபூர்வ இணையத்திற்கு கருத்து வெளியிட்டபோதே மெக் லெனிங் இதனைத் தெரிவித்துள்ளார்.

இந்த உலகக் கிண்ண கிரிக்கெட் போட்டியில் நடப்பு சம்பியன் அவுஸ்திரேலியா, பங்களாதேஷ், நியூஸிலாந்து, தென் ஆபிரிக்கா, இலங்கை ஆகியன ஏ குழுவிலும் இங்கிலாந்து, இந்தியா, அயர்லாந்து, பாகிஸ்தான், மேற்கிந்தியத் தீவுகள் ஆகியன பி குழுவிலும் இடம்பெறுகின்றன.

போட்டியில் உள்ள உற்சாகம் ஒரு போதும் மறையப் போவதில்லை என 5ஆவது இருபது 20 உலகக் கிண்ணப் போட்டியில் விளையாடவுள்ள அவுஸ்திரேலிய அணித் தலைவி லென் மெனிங் குறிப்பிட்டுள்ளார்.

'நான் விளையாடப்போவது 5ஆவது ஐசிசி மகளிர் இருபது 20 உலகக் கிண்ணப் போட்டியாக இருக்கலாம். ஆனால், என்னை நம்புங்கள். போட்டியில் உள்ள உற்சாகம் ஒருபோதும் மறைந்துவிடுவதில்லை. நானும் குழாத்தில் இடம்பெறும் பெரும்பாலானவர்களும் முதல் தடவையாக தென் ஆபிரிக்காவுக்கு செல்வது இதுவே முதல் தடவையாகும். அங்குள்ள சூழ்நிலைகள் எமக்கு ஒத்துவராவிட்டாலும் எம் முன்னே நிறைவேற்ற வேண்டிய கடமை ஒன்று இருக்கிறது. அது எமக்கு அதிர்ச்சி தருவதாக வரக்கூடும் என்பதல்ல. ஆனால், சம்பியன் பட்டத்தை தக்கவைக்க வேண்டும். எனவே தென் ஆபிரிக்காவில்சுற்றிப்பார்ப்பதைப் பிற்போடவேண்டும்' என லெனிங் கூறினார்.

'புதிய நாடொன்றில் புதிய சவால்கள் தோன்றும். குறிப்பாக அந்த நாட்டிற்கு ஏற்றவாறு எங்களைப் பழக்கப்படுத்திக்கொள்வது சவாலாகும். எமது ஆரம்பப் போட்டியில் நியூஸிலாந்தை பார்ள் விளையாட்ரங்கில் பெப்ரவரி 10ஆம் திகதி எதிர்த்தாடவுள்ளோம். பயிற்சியின்போதும் சரி போட்டியின்போதும் சரி சூழ்நிலைகளுக்கு ஏற்ப எங்களை நாங்கள் மாற்றிக்கொள்வதுதான் எமக்கு பலம் சேர்ப்பதாக அமையும். கடைசியாக நடைபெற்ற உலக் கிண்ணத்திற்கு பின்னர் எமது குழாம் மாற்றம் அடைந்துள்ளது. நாங்கள் தொடர்ச்சியாக முன்னேறிவருகிறேம். துடுப்பாட்டத்திலும் சரி பந்துவீச்சிலும் சரி எமது அணியில் தற்போது பெரிய அளவில் முன்னேற்றம் இருக்கிறது.

'மெல்பர்னில் மூன்று வருடங்களுக்கு முன்னர் ஈட்டிய சாதனைமிகு வெற்றியை விட அதிசிறந்த வெற்றியை ஈட்டும் குறிக்கோளுடன் நாங்கள் தென் ஆபிரிக்கா செல்லவுள்ளோம். மெல்பர் கிரிக்கெட் அரங்கில் 86,000 இரசிகர்கள் முன்னிலையில் ஈட்டிய அந்த வெற்றி அனுபவம் உயிருள்ளவரை என்னோடு இருக்கும். எவ்வாறாயினும் இம்முறை எமக்கு கடும் சவால் காத்திருக்கிறது. ஆனால், மூன்றாவது தொடர்ச்சியான தடவையாக உலக சம்பியனானால் அது எமக்கு மட்டற்ற மகிழ்ச்சியைக் கொடுக்கும். எனவே அதற்கான முயற்சியில் இறங்குவோம்' என அவுஸ்திரேலிய அணித் தலைவி மெக் லெனிங் மேலும் குறிப்பிட்டார்.

முக்கிய செய்திகள்

icon-left
icon-right

தொடர்பான செய்திகள்

news-image

ஐ.பி.எல். 2024 இறுதிப் போட்டி இன்று...

2024-05-26 10:41:17
news-image

MCA - ஹொண்டா ஜீ பிரிவு...

2024-05-26 09:38:45
news-image

 உலக பரா மெய்வல்லுநர் போட்டியில் இலங்கையின்...

2024-05-25 20:58:29
news-image

வெற்றியைக் குறிவைத்து றக்பி அனுசரணையாளர்களை கௌரவித்த...

2024-05-25 18:27:17
news-image

ரி20 உலகக் கிண்ணத்துக்கான பாகிஸ்தான் குழாம்

2024-05-25 15:26:19
news-image

ரி20 உலகக் கிண்ண வர்ணனையாளர்கள் குழுவில்...

2024-05-25 14:18:01
news-image

வட்டுக்கோட்டை இந்து கல்லூரியின் பி.பி.எல் கிரிக்கெட்...

2024-05-25 14:33:26
news-image

தினேஷுக்கு கிடைக்கவிருந்த வெள்ளி பறிபோனது

2024-05-25 11:43:21
news-image

ஜேர்மனியில் 100 மீற்றர் ஓட்டப் போட்டியில்...

2024-05-25 10:53:53
news-image

ராஜஸ்தானை இலகுவாக வீழ்த்திய ஹைதராபாத் இறுதிப்...

2024-05-25 00:36:22
news-image

உலக பரா ஈட்டி எறிதலில் உத்தியோகப்பற்றற்ற...

2024-05-24 21:35:49
news-image

இறுதிப் போட்டியில் கொல்கத்தாவை எதிர்த்தாடுவது ஹைதராபாத்தா?...

2024-05-24 17:34:31