தவறவிடாதீர்கள்..!உடனே பதிவு செய்யுங்கள்

யூதவழிபாட்டுதலத்தில் துப்பாக்கி பிரயோகத்தை மேற்கொண்ட பாலஸ்தீனிய நபரின் வீட்டை இடித்து தரைமட்டமாக்குவதற்காக  இஸ்ரேலிய படையினர் அந்த வீட்டை சுற்றிவளைத்துள்ளனர் என தகவல்கள் வெளியாகியுள்ளன.

படுகொலையில் ஈடுபட்டவரின் குடும்பத்தினரின் பிரஜாவுரிமையை பறிப்பது அவர்களை நாடு கடத்துவது உட்பட கடும் நடவடிக்கைகளிற்கு அனுமதியளிப்பதற்கு இஸ்ரேலிய அமைச்சரவை தயாராகியுள்ளது.

யூதவழிபாட்டுத்தலத்தில் படுகொலையில் ஈடுபட்டவரின் கிழக்கு ஜெரூசலேம் வீட்டை இஸ்ரேலிய படையினர் சுற்றிவளைத்துள்ளனர் என  தகவல்கள் வெளியாகியுள்ளன.

வீட்டின் முன்பகுதிகளை உடைக்கும் நடவடிக்கைகளில் இஸ்ரேலிய படையினர் ஈடுபட்டுள்ளதை காண்பிக்கும் படங்களை இஸ்ரேலிய படையினர் வெளியிட்டுள்ளனர்.

பயங்கரவாத தாக்குதலை மேற்கொண்ட நபரின் வீட்டை முற்றுகையிட்டுள்ளோம் அந்த வீடு தரைமட்டமாக்கப்படும் என பிரதமர் பெஞ்சமின் நெட்டன்யாகு  நாடாளுமன்றத்தில் தெரிவித்துள்ளார்.

நாங்கள் பிரச்சினையை மேலும் தீவிரமானதானதாக மாற்ற விரும்பவில்லை ஆனால் நாங்கள் எதனையும் எதிர்கொள்ள தயார் என தெரிவித்துள்ள பிரதமர் பயங்கரவாதத்திற்கான எங்களின் பதில் கடுமையானது வலுவானது துல்லியமானது வேகமானது என தெரிவித்துள்ளார்.