தவறவிடாதீர்கள்..!உடனே பதிவு செய்யுங்கள்

கிழக்கு ஜெருஸலேம் நகரில் இன்று சனிக்கிழமை நடத்தப்பட்ட துப்பாக்கிப் பிரயோகத்தில் இருவர் காயமடைந்துள்ளனர்.

தாக்குதலாளி இஸ்ரேலிய படையினரால் செயலிழக்கச் செய்யப்பட்டதாகவும், காயமடைந்துள்ளதாகவும் இஸ்ரேலிய பொலிஸார் தெரிவித்துள்ளனர். நேற்று வெள்ளிக்கிழமை கிழக்கு ஜெருஸலேமில் 7 பேர் சுட்டுக்கொல்லப்பட்ட நிலையில், அந்நகரில் இன்று மீண்டும் துப்பாக்கிப் பிரயோகம் நடத்தப்பட்டுள்ளது.

துப்பாக்கிச்சூடு நடத்தியவர் கிழக்கு ஜெருஸலேத்தைச் சேர்ந்த 13 வயதானவர் என, தன்னை அடையாளப்படுத்திக் கொண்டுள்ளார் என  அடையாளப்படுத்தியுள்ளார் எனவும் இஸ்ரேலிய பொலிஸார் தெரிவித்துள்ளனர். 

மேற்குக் கரையின் ஜெனின் நகர அகதிகள் முகாமில் இஸ்ரேலியப் படையினரின் முற்றுகையின்போது 9 பலஸ்தீனர்கள் கொல்லப்பட்டனர். 

அதன்பின், கிழக்கு ஜெருஸலேமில் யூத வழிபாட்டுத் தலமொன்றுக்கு வெளியே நேற்று வெள்ளிக்கிழமை நடத்தப்பட்ட துப்பாக்கிச் சூட்டில் 7 பேர் உயிரிழந்தனர். இத்தாக்குதலை நடத்திய 21 வயதான பலஸ்தீன இளைஞன் இஸ்ரேலிய படையினருடனான துப்பாக்கிச் சூட்டில் உயிரிழந்துள்ளதாக இஸ்ரேலிய அதிகாரிகள் தெரிவித்திருந்தனர்.