(என். வீ. ஏ.)
2022ஆம் ஆண்டுக்கான ஐசிசி மகளிர் இருபது 20 அணியில் இலங்கையின் சுழல்பந்துவீச்சாளரும் ஒருநாள் அணியின் முன்னாள் தலைவியுமான இனோக்கா ரணவீர இடம்பெறுகிறார்.
ஆடவருக்கான ஐசிசி இருபது 20 அணியில் வனிந்து ஹசரங்க ஏற்கனவே இடம்பெற்றமை குறிப்பிடத்தக்கது.
கோலாலம்பூரில் நடைபெற்ற பேர்மிங்ஹாம் 2022 பொதுநலவாய விளையாட்டு விழாவுக்கான மகளிர் இருபது 20 கிரிக்கெட் தகுதிகாண் போட்டியில் விளையாடிய இனோக்கா ரணவீர, பின்னர் பொதுநலாவாய விளையாட்டு விழாவுக்கான இலங்கை அணியிலும் இடம்பெற்றார்.
கடந்த வருடம் 19 சர்வதேச இருபது 20 கிரிக்கெட் போட்டிகளில் விளையாடிய இனோக்கா மொத்தமாக 27 விக்கெட்களை வீழ்த்தியிருந்தார்.
மேலும் மகளிர் சர்வதேச இருபது 20 கிரிக்கெட் போட்டிகளில் 77 வீக்கெட்களை வீழ்த்தியுள்ள இனோக்கா ரணவீர, அதிக விக்கெட்களை வீழ்த்திய இலங்கை வீராங்கனைகளில் ஷஷிகலா சிறிவர்தனவுக்கு அடுத்ததாக 2ஆம் இடத்தில் உள்ளார்.
2022க்கான ஐசிசி மகளிர் இருபது 20 கிரிக்கெட் அணியில் இந்திய வீராங்கனைகள் நால்வரும் அவுஸ்திரேலிய வீராங்கனைகள் மூவரும் இங்கிலாந்து, நியூஸிலாந்து, பாகிஸ்தான், இலங்கை ஆகிய நாடுகளிலிருந்து தலா ஒரு வீராங்கனையும் இடம்பெறுகின்றனர்.
ஐசிசி மகளிர் இருபது 20 அணி
ஸ்ம்ரித்தி மந்தானா (இந்தியா), பெத் மூனி (அவுஸ்திரேலியா), சொபி டிவைன் (தலைவி - நியூஸிலாந்து), ஆஷ் கார்ட்னர் (அவுஸ்திரேலியா), தஹிலா மெக்ரா (அவுஸ்திரேலியா), நிதா தார் (பாகிஸ்தான்), தீப்தி ஷர்மா (இந்தியா), ரிச்சா கோஷ் (இந்தியா), சொஃபி எக்ளஸ்டோன் (இங்கிலாந்து), இனோக்கா ரணவீர (இலங்கை), ரேணுகா சிங் (இந்தியா)
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM