லெப்பர்ட் ரக தாங்கிகளை உக்‍ரேனுக்கு போலந்து வழங்க ஜேர்மனி சம்மதிக்கும்

Published By: Sethu

24 Jan, 2023 | 10:10 AM

ஜேர்மனியின் லெப்பர்ட் ரக இராணுவத் தாங்கிகளை உக்‍ரேனுக்கு ஏற்றுமதி செய்வதற்கு போலந்து விரும்பினால், அதற்கு ஜேர்மனி அனுமதியளிக்கும் என ஜேர்மன் வெளிவிவகார அமைச்சர் அனாலீனா பேர்பொக் தெரிவித்துள்ளார்.

ரஷ்ய படையெடுப்பை வெற்றி கொள்வதற்காக ஜேர்மனியின் லெப்பர்ட்-2 ரக இராணுவத் தாங்கிகளை வழங்குமாறு மேற்குலக நாடுகளிடம் உக்‍ேரன் ஜனாதிபதி வொலோடிமிர் ஸெலேன்ஸ்கி கோரியுள்ளார்.

இத்தாங்கிகளை நேரடியாக உக்ரேனுக்கு வழங்க ஜேர்மனி தயங்கி வருகிறது. ஜேர்மனியின் ஏற்றுமதி சட்டங்களின்படி, ஜேர்மனியிடம் தாங்கிகளை வாங்கிய நாடுகள் அவற்றை வேறு நாடுகளுக்கு ஏற்றுமதி செய்ய முடியாது.

இந்நிலையில், ஜேர்மனி அனுமதி வழங்கினால் 14 லெப்பர்ட்-2 தாங்கிகளை உக்ரேனுக்கு வழங்க தான் தயார் என போலந்து தெரிவித்துள்ளது.

இது குறித்து ஜேர்மனின் வெளிவிவகார அமைச்சர் அனா லீனா பேர்பொக் நேற்றுமுன்தினம் கூறுகையில், இத்தாங்கிகளை உக்‍ரேனுக்கு அனுப்புவதற்கு போலந்து விரும்பினால் அதற்கு ஜேர்மனி தடையாக இருக்காது எனவும், போலந்து இன்னும் இத்தகைய கோரிக்கையை விடுக்கவில்லை எனவும் தெரிவித்துள்ளார்.