சவூதியில் ரொனால்டோ விளையாடிய முதலாவது உத்தியோகபூர்வ போட்டியில் அல் நாசர் வெற்றி

Published By: Sethu

23 Jan, 2023 | 11:43 AM
image

சவூதி அரேபியாவின் அல் நாசர் கழகத்தின் சார்பில் போர்த்துகல் வீரர் கிறிஸ்டியானோ ரொனால்டோ விளையாடிய முதலாவது உத்தியோகபூர்வ போட்டியில் அக்கழகம் 1:0 விகிதத்தில் வென்றது.

உலகக்கிண்ணப் போட்டிகளின் பின்னர் சவூதி அரேபியாவின் அல் நாசர் கழகத்தில் ரொனல்டோ இணைந்தார். இதற்காக வருடமொன்றுக்கு 200 மில்லியன் யூரோ அவருக்கு சம்பளமாக வழங்கப்படவுள்ளதாக செய்திகள் வெளியாகின. 

கழக மட்டத்திலான 2 போட்டிகளில் விளையாடுவதற்கு இங்கிலாந்து கால்பந்தாட்டச் சங்கம் தடை விதித்திருந்தது.

இதனால், அல் நாசரின் சார்பில் ரொனால்டோ போட்டிகளில் பங்குபற்றுவது தாமதமாகியது. 

கடந்த வியாழக்கிழமை பிரான்ஸின் பரிஸ் செயின்ற் ஜேர்மைன் கழகத்துக்கும் (பிஎஸ்ஜி) அல் நாசர் கழகத்துக்கும் இடையிலான கண்காட்சி போட்டியில் ரொனால்டோ பங்குபற்றினார். அப்போட்டியில் ரொனால்டோ 2 கோல்களைப் புகுத்திய போதிலும் பிஎஸ்ஜி கழகம் 5:4 கோல்களால் வென்றது. 

இந்நிலையில், நேற்று ஞாயிற்றுக்கிழமை இரவு அல் நாசர் சார்பில் முதலாவது உத்தியோகபூர்வ போட்டியில் ரொனால்டோ பங்குபற்றினார். 

சவூதி ப்ரோ லீக் தொடரில் எத்திபாக் கழகத்துடனான போட்டியில் ரொனால்டோ அணித்தலைவராக  பங்குபற்றினார். இப்போட்டியில் ரொனால்டோ கோல் புகுத்தவில்லை . எனினும் அல் நாசர் கழகம் 1:0 கோல்களால் வென்றது. அல் நாசர் கழகத்தின் சார்பில் பிரேஸில் வீரர் அண்டர்சன் டெலிஸ்கா 31 ஆவது நிமிடத்தில் கோல் புகுத்தினார். 

முக்கிய செய்திகள்

icon-left
icon-right

தொடர்பான செய்திகள்

news-image

ஆஸி. வீரர் க்றீன் ஆட்டம் இழக்காமல்...

2024-03-01 16:18:07
news-image

டெல்ஹியின் வெற்றியில் கெப், ஜொனாசன், ஷஃபாலி...

2024-03-01 15:05:04
news-image

ஒலிம்பிக் விழாவுக்கான பாதுகாப்பு திட்டங்களைக் கொண்ட...

2024-02-29 20:04:27
news-image

பங்களாதேஷுடனான தொடர்களில் திறமையை வெளிபடுத்த முடியும்...

2024-02-29 14:55:53
news-image

பங்களாதேஷுடனான முதல் இரண்டு ரி20 போட்டிகளில்...

2024-02-28 23:55:46
news-image

பொதுநலவாய செஸ் போட்டியில் இலங்கைக்கு ஒரு...

2024-02-28 21:19:17
news-image

ஒரு நூற்றாண்டுக்கு முன் பாரிஸ் நகரில்...

2024-02-28 17:19:56
news-image

றோயல் செலஞ்சர்ஸுக்கு இலகுவான வெற்றி

2024-02-28 13:57:45
news-image

கெப், ராதா பந்துவீச்சிலும் லெனிங், ஷஃபாலி...

2024-02-27 17:50:51
news-image

சொந்த மண்ணில் தொடர்ச்சியாக வெற்றிகளைப்பெற்று அசத்தும்...

2024-02-27 16:51:10
news-image

நமிபியா வீரர் ஈட்டன் அதிவேக ரி20...

2024-02-27 16:54:52
news-image

பங்களாதேஷுடனான ரி20 தொடரில் அசலன்க தலைவராகிறார்

2024-02-27 12:52:21