தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

தெஹியத்தகண்டிய பொலிஸ் பிரிவிற்கு உட்பட்ட பகுதியில் 17 ஆம் திகதி செவ்வாய்க்கிழமை நண்பகல் புதையல் தோண்டுவதற்கு முயற்சித்த 7 பேர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

பொலிஸாருக்கு கிடைக்கப்பெற்ற தகவலுக்கு அமைவாக தெஹியத்தகண்டிய  பிரதேசத்தில் மேற்கொள்ளப்பட்ட சுற்றிவளைப்பில் புதையல் தோண்டுவதற்கு முயன்ற 7 பேர் கைது இவ்வாறு கைது செய்யப்பட்டுள்ளனர்.

இதன்போது கைதுசெய்யப்பட்டவர்கள் 40, 42, 45, 46, 47, 49 மற்றும் 51 வயதுடையவர்கள் எனவும் அவர்கள் தெஹியத்தகண்டிய, குளியாப்பிட்டிய, சிறிபுர மற்றும் மினுவங்கொடை பிரதேசங்களை சேர்ந்தவர்கள் எனவும் பொலிஸார் தெரிவித்தனர்.

சந்தேகநபர்கள் தெஹியத்தகண்டிய நீதவான் நீதிமன்றில் ஆஜர் படுத்தப்பட்டுள்ளனர். தெஹியத்தகண்டிய பொலிஸார் மேலதிக விசாரணைகளை முன்னெடுத்துள்ளனர்.