தவறவிடாதீர்கள்..!உடனே பதிவு செய்யுங்கள்

அவுஸ்திரேலிய  பகிரங்க டென்னிஸ் தொடரில், நடப்புச் சம்பியனான ஸ்பானிய வீரர் ரபாயெல் நடால், 2 ஆவது சுற்றுடன் வெளியேறினார்.

36 வயதான ரபாயெல் நடால், ஒற்றையர் போட்டிகளில் கிராண்ட்ஸ்லாம் பட்டங்களை வென்று சாதனை படைத்தவர். உலகில் அதிக எண்ணிக்கையான ஒற்றையர் கிராண்ட்ஸ்லாம் சம்பியன் பட்டங்களை வென்ற ஆண் அவர்.

14 விம்பிள்டன் சம்பியன் பட்டங்கள், 4 அமெரிக்க பகிரங்கப் பட்டங்களை வென்றதுடன் விம்பிள்டன், பிரெஞ்சு பகிரங்க டென்னிஸ் போட்டிகளில் தலா 2 தடடைவகள் சம்பியனாகியவர் நடால். அவுஸ்திரேலிய பகிரங்க டென்னிஸ் போட்டிகளில  2009, 2022 ஆம் ஆண்டுகளில் சம்பியனாகியிருந்தார்.  

தரப்படுத்தலில் உலகின் 2 ஆம் நிலை வீரராக அவர் உள்ளார்.

இந்நிலையில் இன்று நடைபெற்ற ஆண்கள் ஒற்றையர் 2 ஆம்  சுற்றுப்போட்டியொன்றில் நடப்புச் சம்பியன் ரபாயெல் நடாலை அமெரிக்காவின்  மெக்கன்ஸி மெக்டொனால்ட்   6-4, 6-4, 7-5  விகித்தில் தோற்கடித்தார். 

போட்டியின்போது, இடுப்பில் உபாதைக்குள்ளானவராக நடால் காணப்பட்டார்.