தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நகைச்சுவை நடிகராக வலம் வரும் யோகி பாபு கதையின் நாயகனாக முதன்மையான வேடத்தில் நடிக்கும்  புதிய திரைப்படத்திற்கு, 'மிஸ் மேகி' என பெயரிடப்பட்டு, டைட்டிலுக்கான பிரத்யேக காணொளி வெளியிடப்பட்டிருக்கிறது.

அறிமுக இயக்குநர் லதா ஆர். மணியரசு இயக்கத்தில் தயாராகி வரும் முதல் திரைப்படம் 'மிஸ் மேகி'. இதில் யோகி பாபு நவ நாகரீக மங்கை வேடத்தில் நடிக்கிறார். இவருடன் 'மெஹந்தி சர்க்கஸ்' படப் புகழ் நடிகர் மாதம்பட்டி ரங்கராஜ், நடிகை ஆத்மிகா உள்ளிட்ட பலர் நடித்திருக்கிறார்கள்.

கௌதம் ராஜேந்திரன் ஒளிப்பதிவு செய்திருக்கும் இந்த திரைப்படத்திற்கு கார்த்திக் இசையமைத்திருக்கிறார். நகைச்சுவைக்கு முக்கியத்துவம் கொடுத்து தயாராகி இருக்கும் இந்த திரைப்படத்தை ட்ரம்ஸ்டிக் புரொடக்ஷன்ஸ் எனும் பட நிறுவனம் சார்பில் தயாரிப்பாளர் எஸ். சக்திவேல் தயாரித்திருக்கிறார்.

இந்தப் படத்தின் படப்பிடிப்பு நிறைவடைந்து தற்போது இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் படத்தின் டைட்டிலுக்கான டீசர் வெளியிடப்பட்டிருக்கிறது. இதில் யோகி பாபு நவநாகரிக பெண்மணியாக தோன்றும் காட்சிகள் இடம்பெற்றிருப்பதால் பெரும் வரவேற்பை பெற்று வருகிறது.

நகைச்சுவை நடிகர்கள் பெண் வேடத்தில் நடிப்பதற்கும், நட்சத்திர நடிகர்கள் பெண் வேடத்தில் நடிப்பதற்கும் இடையே வேறுபாடுகள் இருந்தாலும், யோகி பாபு பிரத்யேக ஒப்பனையுடன் நவநாகரிக மங்கையாக தோன்றுவதால் 'மிஸ் மேகி' படத்திருக்கான ஆதரவு திரையுலக வணிகர்களிடத்தில் கிடைத்திருக்கிறது.