தவறவிடாதீர்கள்..!உடனே பதிவு செய்யுங்கள்

(நா.தனுஜா)

வெளிநாடுகளிலிருந்து இலங்கைக்கு வருகைதரும் சுற்றுலாப்பயணிகள் பின்பற்றவேண்டிய விடயங்களை உள்ளடக்கி ஏற்கனவே வெளியிடப்பட்ட கொவிட் - 19 வழிகாட்டல்கள் எதிர்வரும் 20 ஆம் திகதிவரை நிறுத்திவைக்கப்பட்டிருப்பதாக இலங்கை சுற்றுலா அபிவிருத்தி அதிகாரசபை தெரிவித்துள்ளது.

இவ்வழிகாட்டல்கள் வெளியிடப்படுவதற்கு முன்பாகவே குறிப்பிடத்தக்களவிலான சுற்றுலாப்பயணிகள் இலங்கைக்கு சுற்றுலாப்பயணம் மேற்கொள்வதற்கான ஆயத்தங்களை முன்னெடுத்திருப்பதன் காரணமாகவே இத்தீர்மானம் மேற்கொள்ளப்பட்டிருப்பதாக சுற்றுலா அபிவிருத்தி அதிகாரசபை விளக்கமளித்துள்ளது. 

மேலும் கொவிட் - 19 வைரஸ் பரவல் தொடர்பில் சுகாதாரத்தரப்பு அதிகாரிகளை உள்ளடக்கிய மீளாய்வுக்கூட்டமொன்று 17 ஆம் திகதி ஏற்பாடு செய்யப்பட்டுள்ள நிலையில், அதனைத்தொடர்ந்து புதிய வழிகாட்டல்கள் குறித்த அறிவிப்பு வெளியிடப்படும் என்றும் சுற்றுலா அபிவிருத்தி அதிகாரசபை குறிப்பிட்டுள்ளது.