தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

இந்திய நிதியுதவியின் கீழ் நிர்மாணிக்கப்பட்ட யாழ். கலாசார நிலையம் பெப்ரவரி 11 ஆம் திகதி திறந்துவைக்கப்படவுள்ளது. 

நாட்டின் 75ஆவது சுதந்திர தினத்தை முன்னிட்டு ஜனாதிபதி ரணில் விக்ரமசிங்க தலைமையில் பெப்ரவரி 11ஆம் திகதி யாழ்ப்பாணத்தில் விசேட நிகழ்வுகள் இடம்பெறவுள்ளன.

இந்நிகழ்வின் ஓர் அங்கமாகவே யாழ். கலாசார மத்திய நிலையம் திறந்துவைக்கப்படவுள்ளதாக தெரிவிக்கப்பட்டுள்ளது. 

இந்நிகழ்வில் கலந்துகொள்வதற்கு இந்திய வெளியுறவுத்துறை அமைச்சர் கலாநிதி எஸ்.ஜெய்சங்கருக்கு அழைப்பு விடுக்கப்பட்டுள்ளதாகவும் தெரிவிக்கப்பட்டுள்ளது.

எவ்வாறிருப்பினும், அவரின் பங்குபற்றலானது உத்தியோகபூர்வமாக இதுவரையில் அறிவிக்கப்படவில்லை. கலாசார நிலையம் திறந்துவைக்கப்பட்ட அன்றைய தினமே அதன் செயற்பாடுகளையும் ஜனாதிபதி ரணில் விக்ரமசிங்க ஆரம்பித்துவைக்கவுள்ளமை குறிப்பிடத்தக்கது.