தவறவிடாதீர்கள்..!உடனே பதிவு செய்யுங்கள்

ஆப்கானிஸ்தானுக்கான கிரிக்கெட் சுற்றுலாவிலிருந்து தான்  விலகுவதாக அவுஸ்திரேலியா  தெரிவித்துள்ளது,

ஆப்கானிஸ்தானில் பெண்களுக்கு எதிரான ஒடுக்குமுறைகளை தலிபான்கள் மேற்கொள்வதால்இத்தீர்மானம் மேற்கொள்ளப்பட்டுள்ளது.

ஏதிர்வரும் மார்ச் மாத இறுதியில் ஐக்கிய அரபு இராச்சியத்தில் ஆப்கானிஸ்தானுடன் 3 ஒருநாள் சர்வதேச போட்டிகளில் அவுஸ்திரேலியா மோதவிருந்தது. 

எனினும், பெண்கள் மற்றும் சிறுமிகள் கல்வி கற்பதற்கும் தொழில்களில் ஈடுபடுவதற்கும் தலிபான்கள் அண்மையில் மேலதிக கட்டுப்பாடுகளை விதித்ததையடுத்து  இத்தொடரிலிருந்து வாபஸ் பெறுவதற்கு தீர்மானம் மேற்கொள்ளப்பட்டுள்ளதாக கிரிக்கெட் அவுஸ்திரேலியா நிறுவனம் விடுத்த அறிக்கையில் தெரிவிக்கப்பட்டுள்ளது.

அவுஸ்திரேலிய அரசாங்கம் உட்பட தொடர்புடையவர்களுடன் நடத்தப்பட்ட கலந்தாலோசனைகளின் பின்னர் இத்தீர்மானம் மேற்கொள்ளப்பட்டுள்ளதாகவும் கிரிக்கெட் அவுஸ்திரேலியா தெரிவித்துள்ளது.

ஆப்கானிஸ்தானில் நடத்தத் திட்டமிடப்பட்டுள்ள போட்டிகளை ஐக்கிய அரபு இராச்சியத்தில் நடத்துவதற்கு ஆப்கானிஸ்தானும் ஐக்கிய அரபு இராச்சியமும் அண்மையில் உடன்படிக்கை செய்திருந்தமை குறிப்பிடத்தக்கது.