தவறவிடாதீர்கள்..!உடனே பதிவு செய்யுங்கள்

ஊடகவியலாளர்களுக்கு எதிரான குற்றச்செயல்களைச் செய்தவர்கள் தண்டனையை அனுபவிக்காமல் இருக்கும் போக்கை முடிவுக்கு கொண்டுவருவது கருத்து வெளிப்பாட்டுச் சுதந்திரத்தையும் சகல குடிமக்களும் தகவல்களைப் பெறுவதற்கு கொண்டிருக்கும் உரிமையையும் உத்தரவாதப்படுத்துவதில் எதிர்நோக்கப்படும் சவால்களில் முக்கியமான ஒன்று என்பதை அங்கீகரித்த நிலையிலேயே ஐக்கிய நாடுகள் சபை ' ஊடகவியலாளர்களுக்கு எதிரானகுற்றச்செயல்களுக்கு தண்டனையின்மையை முடிவுக்கு கொண்டுவருவதற்கான சர்வதேச தினமாக ( International Day to End Inpunity for Crimes against Journalists ) நவம்பர் 2 ஆம் திகதியை பத்து வருடங்களுக்கு முன்னர் பிரகடனம் செய்தது. மாலி நாட்டில் பணியில் ஈடுபட்டுக்கொண்டிருந்தபோது இரு பிரெஞ்சு ஊடகவியலாளர்கள் 2013 நவம்பர் 2 ஆம் திகதி கொல்லப்பட்டனர்.அதை குறிக்குமுகமாகவே அந்த திகதியை ஐக்கிய நாடுகள் தெரிவுசெய்தது. வருடாந்தம் அந்த திகதி உலகம் பூராவும் அனுஷ்டிக்கப்படுகின்ற போதிலும் ஊடகவியலாளர்களுக்கு எதிரான குற்றச்செயல்களை செய்பவர்கள் தண்டனையை அனுபவிக்காமல் இருக்கும் வேதனை தரும் போக்கில் மாற்றம் ஏற்படுவதற்கான அறிகுறிகளைக் காணமுடியவில்லை.