தவறவிடாதீர்கள்..!உடனே பதிவு செய்யுங்கள்

வெங்காயத்தாள் கீரை வகையை சார்ந்தது. வெங்காயத்தாளில் விட்டமின் சி, விட்டமின் பி2, விட்டமின் ஏ, விட்டமின் கே போன்ற பல விட்டமின்கள், செப்பு, பொஸ்பரஸ், மக்னீசியம், பொட்டாசியம், குரோமியம், மங்கனீஸ், நார்ச்சத்துக்கள் ஆகியவை நிறைந்துள்ளன.

வெங்காயத்தில்  இருப்பது போலவே வெங்காயத்தாளிலும் கந்தகச்சத்து அதிகளவில் உள்ளது. வெங்காயத்தாளில் உள்ள பக்டீரிய எதிர்ப்பு பண்புகள், செரிமான உபாதைகளுக்கு நிவாரணம் வழங்கும். உடலிலுள்ள கொழுப்புகளை குறைத்து இதய ஆரோக்கியத்திற்கு வழிவகுக்கிறது. இரத்த அழுத்த அளவுகளை குறைக்கவும் கட்டுப்படுத்தவும் உதவுகிறது.

வெங்காயப் பூ மற்றும் வெங்காய சாறு பல் மற்றும் ஈறு தொடர்பான நோய்களையும் குணமாக்கும். வெங்காயப் பூ பசியை தூண்டும். வெங்காயத்தாளில் குறைந்த கலோரிகளே இருக்கின்றன. மேலும்  வெங்காயத்தாளில் விட்டமின் சி, பி2 மற்றும் தயமின் உட்பட பல விட்டமின் சத்துக்களும் நிறைந்துள்ளன.

 வெங்காயத்தாளில் உள்ள பெக்டின் என்னும் கார்போஹைட்ரேட் பெருங்குடல் புற்றுநோய் ஏற்படுவதை தடுக்கிறது. மேலும் இதிலுள்ள அலிசின் என்னும் வேதிப்பொருளானது புற்றுநோயினை தடுக்கும் பண்பினைக் கொண்டுள்ளது. வெங்காயத்தாள் கண்நோய் மற்றும் கண் பிரச்சினைகளுக்கு நல்ல மருந்தாக பயன்படுகிறது.

வெங்காயத்தாள் இரத்தத்தில் காணப்படும் சர்க்கரையின் அளவை கட்டுப்படுத்துகிறது. உடலின் குளுக்கோஸ் ஏற்புத் தன்மையை அதிகரிக்கிறது. மேலும் வெங்காயத்தாள் கீல்வாதம் மற்றும் ஆஸ்துமா நோயால் பாதிக்கப்பட்டவர்களுக்கு நல்ல மருந்தாக விளங்குகிறது. வெங்காயத் தாளில் உள்ள விட்டமின் கே இரத்தக் குழாய்களில் அடைப்பு ஏற்படுவதைத் தடுத்து சீரான இரத்த ஓட்டத்திற்கு வழிவகுக்கிறது.