கண்களில் ஏற்படும் அழுத்தம் கவனத்துக்குரியது

Published By: Ponmalar

10 Jan, 2023 | 12:42 PM
image

மன அழுத்தம், ரத்த அழுத்தம் கேள்விப்பட்டிருப்போம். ஆனால், கண்களிலும் அழுத்தம் ஏற்படும் என்பதை பலரும் அறிந்திருக்க மாட்டோம். 

கண்களில் 'அக்வஸ் ஹூமர்' என்ற திரவம் இருக்கும். இது கண்களில் உள்ள 'லென்ஸ்'களுக்குத் தேவையான ஊட்டச்சத்தை வழங்குவதுடன், கண்களில் உண்டாகும் அழுத்தத்தை சீராக பராமரிக்கவும் உதவும். 

இந்த திரவமானது கண்களில் இருந்து தானாக வெளியேறும். பின்பு மீண்டும் புதிதாக உற்பத்தியாகும். 

சில நேரங்களில் 'அக்வஸ் ஹூமர்' திரவம் கண்ணில் நீராக தேங்கி நிற்கும். அவ்வாறு தேங்கும்போது, பார்வை நரம்பை பாதித்து, கண்களில் அதிக அழுத்தத்தை ஏற்படுத்தும். சிறிது சிறிதாக இந்த அழுத்தம் அதிகரித்து பார்வை இழப்பைக் கூட உண்டாக்கலாம். 

குழந்தைகளை அதிகம் பாதிக்கும் நோய்களின் பட்டியலில் இதுவும் ஒன்று.

காரணங்கள்: பரம்பரை, கிட்டப்பார்வை, தூரப்பார்வை, வயது முதிர்ச்சி, ரத்த ஓட்டத்தைப் பாதிக்கக்கூடிய நோய்களான ஒற்றைத் தலைவலி, குறைந்த ரத்த அழுத்தம் மற்றும் சர்க்கரைநோய் போன்ற பிரச்சினைகள் இருப்பது, கண்ணில் அடிபடுதல் மற்றும் ஸ்டிராய்டு மருந்துகள் அடிக்கடி சாப்பிடுவது போன்ற காரணங்களால் கண்களில் அழுத்தம் அதிகரிக்கும். 

அறிகுறிகள்: பார்வையில் மாற்றம் ஏற்படுதல், அடிக்கடி கண்ணாடி மாற்றும் நிலை, பக்கவாட்டுப் பார்வையில் கோளாறு, வண்ண ஒளி வட்டம் தெரிதல். சிகிச்சை: 40 வயதை கடந்தவர்கள் வருடம் ஒரு முறை கண்பார்வை பரிசோதனை செய்வதன் மூலம், கண்ணில் ஏற்படும் அழுத்தப் பிரச்சினையைக் கண்டறிய முடியும். 

10 முதல் 21 எம்.எம் எச்.ஜி வரை கண்ணில் சராசரியாக அழுத்தம் இருக்கலாம். அதற்கு மேல் செல்லும்போது கட்டாயம் கண் அழுத்தப் பரிசோதனை மேற்கொள்ள வேண்டும். 

கண்களில் தேங்கும் திரவத்தின் உற்பத்தியை குறைப்பது அல்லது வெளியேற்றுவதன் மூலம், கண் அழுத்தத்தைக் குறைக்க முடியும். 

இதற்கென சிறப்பு 'கிளாக்கோமா கண் சொட்டு மருந்து சிகிச்சை' மேற்கொள்ளப்படும். கண் மருத்துவரின் அறிவுரைப்படி, தினமும் இந்த சொட்டு மருந்து சிகிச்சையை மேற்கொள்ளலாம். 

வராமல் தடுக்க: 

* விட்டமின் ஏ, பி, சி, ஈ மற்றும் கே, துத்தநாகம், செம்பு, செலினியம் போன்ற ஊட்டச்சத்து நிறைந்த உணவுகளைச் சாப்பிட வேண்டும். 

* தினசரி கண்களுக்கான பயிற்சிகள் செய்யலாம். 

* கொபின் நிறைந்த பானங்கள், கார்பனேற்றம் செய்யப்பட்ட பானங்கள் பருகுவதைத் தவிர்க்க வேண்டும். 

* மருத்துவரின் ஆலோசனைப்படி மருந்துகள் சாப்பிடுவதன் மூலம் கண்களில் அழுத்தம் ஏற்படுவதைத் தடுக்கலாம்.

முக்கிய செய்திகள்

icon-left
icon-right

தொடர்பான செய்திகள்

news-image

ஹண்டிங்டன்ஸ் நோய் பாதிப்பிற்குரிய நவீன சிகிச்சை

2024-03-26 16:32:47
news-image

இடியோபதிக் பல்மனோரி ஃபைப்ரோசிஸ் எனும் நுரையீரல்...

2024-03-24 21:02:07
news-image

அர்த்ரால்ஜியா எனும் மூட்டு வலி பாதிப்பிற்குரிய...

2024-03-20 21:20:55
news-image

செபோர்ஹெக் கெரடோசிஸ் எனும் தோல் பாதிப்பிற்குரிய...

2024-03-20 09:17:28
news-image

குரல்வளை வீக்கம் : நவீன சிகிச்சை

2024-03-18 18:23:28
news-image

ஆர்டியோஸ்கிளிரோஸிஸ் ரெட்டினோபதி எனும் விழித்திரை பாதிப்பிற்குரிய...

2024-03-16 14:38:19
news-image

உள்காது பாதிப்புகளை கண்டறிவதற்கான நவீன பரிசோதனைகள்

2024-03-15 18:16:00
news-image

பெருங்குடல் வீக்கமும் நவீன சிகிச்சையும் 

2024-03-14 16:20:48
news-image

சிறுநீரக ஆரோக்கியம், அதன் பாதுகாப்பை உறுதிப்படுத்துவோம்!...

2024-03-14 15:59:51
news-image

ஆசனவாய் புற்றுநோய் பாதிப்பிற்கு நிவாரணமளிக்கும் சத்திர...

2024-03-13 22:50:05
news-image

மயோகார்டிடிஸ் எனும் இதய தசையில் ஏற்படும்...

2024-03-08 17:40:06
news-image

நான் ஆல்கஹாலிக் ஃபேட்டி லிவர் எனும்...

2024-03-07 13:48:04