தவறவிடாதீர்கள்..!உடனே பதிவு செய்யுங்கள்

நடிகை சோனியா அகர்வால் மற்றும் நடிகை ஸ்மிருதி வெங்கட் கதையின் நாயகிகளாக நடிக்கவிருக்கும் பெயரிடப்படாத புதிய படத்தின் தொடக்க விழா சென்னையில் சிறப்பாக நடைபெற்றது.

விரைவில் வெளியாக இருக்கும் 'வெப்' எனும் திரைப்பட இயக்குநர் ஹாரூன் இயக்கத்தில் தயாராக இருக்கும் பெயரிடப்படாத புதிய படத்தில் நடிகை சோனியா அகர்வால், ஸ்மிருதி வெங்கட், இசையமைப்பாளரும் நடிகருமான சித்தார்த் விபின், இயக்குநரும் நடிகருமான சுப்ரமணிய சிவா உள்ளிட்ட பலர் நடிக்கிறார்கள். 

விஜயகுமார் கிருஷ்ணா ஒளிப்பதிவு செய்யவிருக்கும் இந்த திரைப்படத்துக்கு, கே.எம். ரயான் இசையமைக்கிறார். 

ஹொரர், த்ரில்லர் ஜேனரில் தயாராகும் இந்த திரைப்படத்தை ட்ரீம் ஹவுஸ் எனும் பட நிறுவனம் சார்பில் இயக்குநர் ஹாரூன் தயாரிக்கிறார். இந்தப் படத்தின் தொடக்க விழா சென்னையில் சிறப்பாக நடைபெற்றது.

படத்தைப் பற்றி இயக்குநர் பேசுகையில், 

''பல அமானுஷ்ய சம்பவங்களின் உண்மையான பின்னணி குறித்து ஆராயும் பாணியில் இப்படத்தின் திரைக்கதை அமைக்கப்பட்டிருக்கிறது. நகைச்சுவையாக இல்லாமல் மிரட்டும் வகையிலான ஹொரர் த்ரில்லராக படம் தயாராகிறது" என்றார்.