2023ஆம் ஆண்டு உங்களுக்கு எப்படி?

By Ponmalar

03 Jan, 2023 | 03:06 PM
image

புதிய ஆண்டு மலரும் போது நமக்கு ஒரு வயது அதி­க­மாகும். அந்த ஆண்டு முழு­வதும் நமது வாழ்­வியல் நெறி­மு­றைகளை  நவ­கி­ர­கங்கள் வரை­யறை செய்து வழி நடத்­து­கின்­றன. எனவே நாம் எவ்­வளவு திட்டம் போட்டு செயற்­பட்­டாலும் எம்­மையும் மீறி எமது செயற்­பா­டு­களில் நன்மை, தீமை என பலன்கள் அமை­கின்­றன.

இவற்றை அனு­ச­ரித்தே நாமும் செயற்­படும் கட்­டா­யத்­திற்குள் வந்து விடு­கின்­றோம். 2023ஆம் ஆண்டில் 29.03.2023 அன்று சனி­­ப­கவான் மகர ராசியில் இருந்து கும்­ப­ரா­சிக்கு பெயர்ச்சி பெறு­கின்றார். அதேபோல் 22.04.2023 குரு­ப­கவான் மீன ­ரா­சியில் இருந்து மேட­ராசிக்கு சஞ்­ச­ரிக்­கின்றார். 09.10.2023 சாயக்­கி­ர­கங்கள் ராகு, கேது பெயர்ச்சி மேட­ரா­சியில் இருந்து மீன­ரா­சிக்கு ராகுவும் துலாம் ராசியில் இருந்து கன்னி ராசிக்கு கேதுவும் சஞ்­சாரம் செய்­கின்­றனர். இந்த நான்கு கிர­கங்­களின் பெயர்ச்­சி­யா­னது பாரம்­ப­ரிய வாக்­கிய பஞ்­சாங்க பிர­காரம் அமை­வன. இதன்­மூலம் 2023ஆம் ஆண்டில் பன்­னிரு ராசி­களின் பலா­ப­லன்­களும் மாறு­படும். அவற்றை தெரிந்து அதற்­கேற்ப நமது நடை­முறை செயல்­பா­டு­களை அமைத்து அனு­கூ­லங்­களை பெற்றுக் கொள்வோம். அனை­வ­ருக்கும் 2023ஆம் ஆண்டு சிறப்­பானவற்றை கொடுக்க இறைவன் அருள் பொழி­யட்டும்.

மேஷம்

(அஸ்­வினி, பரணி, கார்த்­திகை 1ஆம் பாதம்)

எதையும் முகத்­திற்கு நேரே பேசி­விடும் குண இயல்­பு­தனை கொண்ட மேஷ­ராசி அன்­­­பர்­களே! உங்­களின் ராசிக்கு 2023ஆம் ஆண்டு எப்­படி அமையும்? உங்­களின் ராசிக்கு 29.03.2023 இலி­ருந்து சனி­ப­க­வான இலா­பஸ்தானம் எனப்­படும் 11ஆம் இடம் அமை­கின்றார். இதன் மூல­மாக தொழில்­­­மேன்மை, பண­வ­ரவு, எதிர்­பா­ராத நன்­மைகள் என்­பன அமையும். 22.04.2023 அன்று குரு­ப­கவான் உங்­களின் ஜென்­ம­ரா­சி­யான 1ஆம் இடத்­திற்கு அமை­கின்றார். இதன்­மூலம் மனச்­சஞ்­சலம், யோச­னைகள், உடல்­ உபா­தைகள் என்­பன இடை­யி­டையே ஏற்­பட்டு மறையும். தேவை­யில்­லாமல் கோபம், எரிச்சல் என்­பன ஏற்­படும். இதனால் குடும்­பத்தில், தொழில் நிலை­களில் பிரச்­சி­னை­களை எதிர்­கொள்ள வேண்டி வரும். முக்­கி­ய­மாக பொறு­மையும், நிதா­னமும் உங்­க­ளுக்கு மிகவும் நல்­லது. 09.10.2023. ராகு, கேது பெயர்ச்சி உங்­க­ளுக்கு முறையே ராகு 12ஆம் இடம், கேது 6ஆம் இடம் என அமை­வது வழக்கு விவ­கா­ரங்­களில் வெற்­றி­களும் பூர்­விக சொத்து சேர்க்­கையும் அமையும். சனீஸ்­வ­ரனின் 11ஆம் இட சஞ்­சாரம் ராகு, கேது சஞ்­சாரம். இவை­களின் மூலம் எதிர்­பா­ராத நன்­மை­களும் அதிஷ்ட பலன்­களும் அமையும். பெண்­க­ளுக்கு குடும்பத்தில்  மகிழ்ச்சி, சுப­கா­ரிய நிலை அமையும். மாண­வர்­களுக்கு கல்வி நிலையில் முன்­னேற்றம் இருக்கும். எனவே 2023ஆம் ஆண்டில் பெரும்­­பாலும் நற்­பலன்­கள் அதி­க­மாகவே அமையும். குருவின் ஜென்ம சஞ்­சாரம் இடை­­யி­டையே சிறு சிறு பிரச்­சினைகளை கொடுக்கும். அதற்­கேற்ப நிதா­ன­மாக, பொறு­மை­யாக செயல்­பட்டு உடல் ஆரோக்­கி­யத்­திலும் கவனம் எடுப்பது மிகவும் நல்­லது. நூற்­றுக்கு 75 வீதம் இந்த ஆண்டு நன்­மை­யுண்டு. 

ரிஷபம்

(கார்த்­திகை 2, 3, 4ஆம் பாதம், ரோகினி, மிரு­க­சீ­ரிடம் 1, 2ஆம் பாதம்)

எதிலும் தன் போக்­கான முடி­வு­களை எடுத்­துக்­கொண்டு அதனால் வெற்றி, தோல்வி என இரண்­டையும் எதிர்­கொள்ளும் ரிஷபராசி அன்­பர்­களே! உங்­க­ளுக்கு 29.03.2023 அன்று சனீஸ்­வரன் 10ஆம் இடம் எனும் தொழில் நிலை ஸ்தானம் அமை­கின்றார். தொழில் சார்ந்த அலைச்சல் அதி­க­மாக இருக்கும். எதிர்­பார்க்கும் தொழில் நிலைக்கு முயற்சி அதிகம் வேண்டும். தொழில் மாற்றம், தொழில் சார்ந்த பிர­யாணம் என்­பன அமையும். எனவே அதற்­கேற்ப நிதா­ன­மாக செயற்­பட வேண்டும். உங்கள் ராசிக்கு குரு­ப­கவான் 22.04.2023 அன்று விர­யஸ்­தா­ன­மா­கிய 12ஆம் இடம் அமை­கின்றார். இந்த அமைப்பின் படி  எதிர்­பா­ராத சுப நன்­மைகள் அமை­யவும் வழி ஏற்­படும். சனீஸ்­வ­ரனின் சஞ்­சாரம் வெளி­நாட்டு பிர­யா­ணங்­க­ளையும்  ஏற்­ப­டுத்தும். குருவின் சஞ்­சாரம் சுப பலா­ப­லன்­க­ளுக்கு உரிய வழி­­மு­றை­களை ஏற்­ப­டுத்திக் கொடுக்கும். 09.10.2023 அன்று சாயக் கிர­கங்­க­ளான ராகு, கேது முறையே ராகு 11ஆம் இடம், கேது 5ஆம் இடம் என அமை­கின்­றன. ராகுவின் 11ஆம் இட சஞ்­சா­ர­மா­னது எதிர்­பா­ராத நன்­மைகளைக் கொடுக்கும். பொது­வாக இந்த 2023ஆம் ஆண்­டிலே முயற்சி அதிகம் வேண்டும். நியா­ய­மாக நீங்கள் முன்­னெ­டுக்கும் விட­யங்­களில் அனு­கூ­ல­மான வெற்றி கிடைக்கும். பெண்­க­ளுக்கு சற்று சஞ்­ச­ல­மான நிலைகள் இடை­யி­டையே ஏற்­பட்டு மறையும். மாண­வர்கள் கூடு­த­லாக முயற்சி எடுப்­பது மிகவும் நல்­லது. பொது­வாக போராட்ட­மான நிலை, அலைச்சல் நிலை அமைந்­தாலும் நியா­ய­மான வெற்றி அமை­யும் பலன் உண்டு. உங்களின் செயற்­பாட்டின் மூலம் நன்­மை­களைப் பெற்­றுக்­கொள்ள முடியும். 2023ஆம் ஆண்டில் உங்­க­ளுக்கு நூற்றுக்கு 60 வீதம் நன்­மை­யுண்டு.

மிதுனம்

(மிருக­­சீ­ரி­டம் 3,4ஆம் பாதம், திரு­வா­திரை, புனர்­பூசம் 1,2,3ஆம் பாதங்கள்)

மிக நிதா­ன­மாகவும் உங்­களின் வெற்­றிக்கு சாணக்­கி­ய­மாகவும் செயற்­­படும் மிது­ன­ராசி அன்­பர்­களே! உங்­க­ளுக்கு இந்த 2023ஆம் ஆண்­டில் அனு­கூ­ல­மான நன்­மைகள் அமை­யும். கடந்த இரண்­டரை ஆண்­டுகள் அட்­ட­மத்­துச்­­சனி சஞ்­சாரம் மூலமாக பல­வித சிக்கல் நிலை­­களையும், பிரச்­சி­னை­களையும் எதிர்­கொண்ட உங்­க­ளுக்கு 29.03.2023 முதல் சனி பகவான் பாக்­கியஸ்தான­மா­கிய 9ஆம் இடம் அமை­கிறார். எனவே எல்லாவகை­யிலும் மிக­வும் சிறப்­பான நற்­பலன் அமையும் .  தொழில் சார்ந்த நன்­மைகள், குடும்ப நிலையில் அனு­கூ­லங்கள் என்­பன அமை­யும். 22.04.2023 முதலாக அமையும் குரு பெ­யர்ச்சி லாபஸ்தா­ன­மா­கிய 11ஆம் இடம் அமை­வது எதிர்­பார்ப்­பு­களில் நல்ல வெற்­றி­ அமையும். திரு­மணம் போன்ற சுப­கா­ரியத்தை எதிர்­பார்ப்­ப­வர்­க­ளுக்கு அப்­பலன் நிறை­வாக அமையும் பலன் உண்டு. கடன் பிரச்­சி­னைகள் நீங்கும். வழக்கு விவ­கா­ரங்­களில் சுமுகமான பலன் அமையும். 09.10.2023 அன்று சாயா கிர­கங்­களாகிய ராகு 10ஆம் இடமும் கேது 4ஆம் இடமும் என உங்­களின் ராசிக்கு அமை­வதன் மூலம் தொழில் சார்ந்த சிக்கல் நிலை­களும் உடல் நிலையில் சிறு சிறு சுக­யீ­னமும் இடை­யி­டையே அமை­கின்ற நிலைகள் இருக்கும். இருந்த போதும் குருவும் சனீஸ்­வ­ரனும் மிகச் சிறந்த நிலையில் கோசரம் பெற்று அமைந்­தி­ருப்­பது அதி­க­மான நற்­ப­லன்­களைக் கொடுக்­கும் . உங்­களின் எதிர்­பார்ப்­பு­களை நிறை­வேற்றக் கூடிய நிலை மிகவும் சிறப்­பாக அமையும். எல்லா வகை­யிலும் உங்­க­ளுக்கு சிறப்­பான நற்­ப­லன்கள் அமை­யும். பெண்­க­ளுக்கு நன்­மையும் சிறப்பும் அமையும். மாண­வர்­களுக்கு அனு­கூ­ல­­மான நன்­மைகள் ஏற்­படும். எல்லா வகை­­யிலும் 2023ஆம் ஆண்­டிலே சிறப்­புகள் அமை­யும். நூற்றுக்கு 85 வீதம் நன்­மைகள், சிறப்­­புக்கள் ஏற்­படும்.

கடகம்

(புனர்­பூசம் 4ஆம் பாதம், பூசம், ஆயி­லியம்)

எந்த விதத்தில் தோல்வி வந்­தாலும் சோர்வு அடை­யா­மல் எழுந்து நிற்கும் ஆற்றல் கொண்ட கட­க­ராசி அன்­பர்­­களே! உங்­க­ளுக்கு 2023ஆம் ஆண்டில் சற்று சிர­மங்­களை எதிர­்­­­கொள்ள வேண்­டிய நிலை­கள் இருக்கும். மிக­வும் பொறுமை, நிதா­ன­மு­டன் செயற்­பட வேண்டும். 29.03.2023 முதல் அட்­ட­மத்து சனி சஞ்­சாரம் ஆரம்­ப­மா­கின்­­றது. இதன்­மூ­ல­மாக திடீர் பிரச்­சி­னை­களை எதிர­்­­­கொள்ளும் நிலைகள் ஏற்­படும். தொழில் நிலை­யில் சிக்­கல் நிலை, குடும்ப நிலையில் பிரச்­சினை, உடல் நிலையில் உபா­தைகள் என அமையும். எனவே மிகவும் நிதா­ன­மாக செயற்­பட வேண்டும். 22.04.2023இல் குருவின் சஞ்­­சாரம் ஜீவ­ஸ்­தா­ன­மா­கிய 10ஆம் இடம் அமை­­­வதால் தொழில் நிலை சார்ந்த அலைச்­சல் மிகவும் அதி­க­மாக அமையும். இட­மாற்றம், பிர­­யா­­ணங்கள் அமையும். எந்த விட­யத்தி­லும் மிகவும் சிந்­தித்து செயல்­ப­டு­வது நன்­மை­களை கொடுக்கும். மற்றும் கடன் பிரச்­சி­னைகள், கொடுக்கல், வாங்­கல்­களில் சிக்­கல்கள் இருக்­கும். புதிய முயற்­சி­களில் மிகவும் நிதானம் வேண்டும். 09.10.2023 சாயக் கிர­கங்­களின் பெயர்ச்­சி­யா­னது ராகு 9ஆம் இடம், கேது 3ஆம் இடம் அமை­கின்­றன. இதன்­மூ­ல­மாக தந்தை வழி சொத்துப் பிரச்­சி­னைகள் அமையும். சகோ­த­ரர்­களின் மூல­மாக பிரச்­சி­னைகள் ஏற்­ப­டலாம். எந்த விட­ய­மா­யினும் சற்று போராட்ட நிலை­களும் இழு­பறி நிலை­களும் அமையும். பெண்­க­ளுக்கு சற்று சிக்­க­லான நிலைகள், மனச் சஞ்­ச­லங்கள் அமையும். மாண­வர்கள் கல்வி நிலையில் அதி­க­மான முயற்­சிகள் எடுக்க வேண்டும். கல்­வியில் மந்த நிலைகள் அமையும். பொது­வா­கவே இந்த ஆண்டில் நீங்கள் மிகவும் நிதான செயல்­பாடு கொண்டு இருப்­பதை கொண்டு இயங்­கு­வதே மிகவும் நல்­லது. பொது­வாக 2023ஆம் ஆண்­டிலே பல­வி­த­மான சிர­மங்­களை எதிர்­கொண்டு செயற்­பட வேண்டும். நூற்றிற்கு 75 வீதம் அனு­கூ­ல­மான பலன் உண்டு.

சிம்மம்

(மகம், பூரம், உத்­தரம் 1ஆம் பாதம்)

தன்­னம்­பிக்­கை­யோடு எதி­லும் துணிந்து செயற்­படும் நீங்­கள் நியா­ய­பூர்­வ­மாக செயற்­­­பட்டால் நல்ல உயர்வை பெறலாம். உங்­க­ளின் ராசிக்கு 29.03.2023 அன்று சனிப்­பெ­யர்ச்சி களத்­தி­ரஸ்­தா­ன­மா­கிய 7ஆம் இடம் அமை­­­வதால் குடும்ப நிலை சார்ந்த சிறு சிறு குழப்­­­பங்கள், பிரச்­சி­னைகள் அமையும். மிக­வும் பொறுமை, நிதா­ன­முடன் செயற்­பட வேண்­டும். எடுக்கும் முயற்­சி­களில் தடை, தாமத நிலைகள் இருக்­கும். மற்றும் 22.04.2023 அமை­யும் குருப்­பெ­யர்ச்சி பாக்­கி­யஸ்­தா­ன­மா­கிய 4ஆம் இடம் அமை­வது சிறப்­பான நிலை­யாகும். எதையும் சமா­ளித்து வெற்றி காணும் நிலை­யி­லிருக்கும். குடும்ப நிலையில் சுப­கா­ரிய நிலை­கள் அமையும். தொழில் நிலையில் நல்ல முன்­னேற்றம் இலா­பங்கள் என்­பன அமையும். புதிய முயற்­சி­களில் அனு­கூ­ல­மான வெற்­றிகள் ஏற்­படும். சனீஸ்­வ­ரனின் சஞ்­சாரம் இடை­யி­டையே சிர­மங்­களை கொடுத்­தாலும் குருவின் சஞ்­சாரம் ஓர­ள­விற்கு அனு­கூல பல­ன­்களைக் கொடுக்கும். 09.10.2023 அமை­கின்ற ராகு, கேது, பெயர்ச்­சி­யில் ராகு 8ஆம் இடமும் கேது 2ஆம் இடமும் அமை­வது பல­வி­த­மான சிர­மங்­களை கொடுக்கும். உடல் நிலையில் உபா­தைகள், குடும்­பத்தில் பிரச்­சி­னைகள், கடன் சிக்­கல்கள், எதிர்­பா­ராத செல­வுகள் என அமையும். எனவே ஆண்­டின் பிற்­ப­குதியில்  மிகவும் பொறுமை, நிதா­ன­மாக செயற்­பட வேண்டும். பெண்­க­ளுக்கு சிறு சிறு நன்­மை­களும் இடை­யி­டையே சற்று பிரச்­சினை, மனச்­சஞ்­ச­லங்­களும் ஏற்­படும் .அதற்கு ஏற்ப செயற்­பட வேண்­டும். மாண­வர்கள் கல்­வியில் அதி­க­மான முயற்­சி­க­ளோடு செயற்­பட வேண்டும். எனவே இந்த 2023ஆம் ஆண்­டிலே ஏற்றம், இறக்கம் சம­னாக இருக்கும். எதிலும் மிகவும் சாதுரி­ய­மாக இருக்­கவும். நூற்றுக்கு 60 வீதம் நன்­மைகள் உண்டு.

கன்னி

(உத்­தரம் 2,3,4ஆம் பாதம்,  சித்­திரை 1, 2ஆம் பாதம்)

எல்லா நிலை­க­ளிலும் தமக்­கான சுயத்தை தனித்­து­வத்தை தேடிக்­கொண்டு சாதுரி­ய­மான செயற்­பாடு கொண்ட கன்­னி­ரா­சி  அன்­பர்­களே! உங்­க­ளுக்கு 2023ஆம் ஆண்டில் சற்றுப் போராட்­ட­மான நிலைகள் அதி­க­மாக அமைந்­தி­ருக்கும். எந்த விட­ய­மா­யி­னும் சற்றுப் பொறுமை, நிதா­ன­முடன் செயற்­பட வேண்டும். 29.03.2023 இல் அமை­கின்ற சனிப்­பெ­யர்ச்சி உங்­க­ளுக்கு அனு­கூ­ல­மான நற்­பலனை  கொடுக்கும். எதிர்­பா­ராத வெற்­றி­களும், அதிர்ஷ்ட பலன்­களும் அமையும். தொழில் நிலையில் திடீர் நன்­மைகள் ஏற்­படும். 22.04.2023 அமையும் குரு பெ­யர்ச்சி அஷ்­டமக் குரு­வாக அமை­வதால் எதிர்­பா­ராத பிரச்­சி­னைகள் வரும். தொழில் சார்ந்த சிக்கல் நிலை, வேலைப்­பளு என்­பன அமையும். எதையும் திட்­ட­மிட்டு செய்ய முடி­யாத நிலை இருக்கும். குடும்ப நிலை­யிலே சிறு­சிறு பிரச்­சினை, சிக்கல் நிலைகள் அமைந்­தி­ருக்கும். கடன் பிரச்­சி­னைகள் சற்று சிர­மங்­களைக் கொடுக்கும். 09.10.2023 அன்று சாயக் கிர­கங்கள் ராகு 7ஆம் இடம், கேது உங்கள் ராசியில் 1ஆம் இடம் என பெயர்ச்சி பெற்று அமை­கின்­றனர். குடும்ப ரீதியில் சற்று சிக்கல் நிலைகள் இருக்கும். உற­வி­னர்­க­ளுடன் மனச்­சஞ்­சல நிலை அமையும். எந்த விடயத்தை எடுத்­தாலும் இழு­பறி, தாமத நிலைகள் அமையும். எனவே, மிகவும் நிதா­னத்­துடன் செயற்­பட வேண்டும். உடல் நிலை சார்ந்த உபா­தை­களும் ஏற்­படும். பெண்­க­ளுக்கு குடும்ப நிலை­யில் சஞ்­சலம், யோசனை, சற்று அதி­க­மாக அமையும். மாண­வர்கள் கல்வி நிலை­யிலே கூடு­த­லான முயற்­சியும் கவ­ன­மும் எடுக்க வேண்­டும். எந்த விட­யத்­திலும் ஏதோ ஒரு வகை சிக்கல் இருக்கும். பொது­வாக இந்த 2023ஆம் ஆண்டில் அனு­கூ­ல­மான பலன் ஓரள­­விற்கு அமைந்­தாலும் சிர­மங்கள் அதி­க­­மி­­ருக்கும். நூற்றுக்கு 55 வீதம் நன்­மைகள் அமை­யும்.

துலாம்

(சித்­திரை 3, 4ஆம் பாதம், சுவாதி, விசாகம், 1,2, 3ஆம் பாதம்)

சோர்வு இல்­லாமல் உழைத்­துக்­கொண்டு நேர்மை தவ­றாது செயல்­படும் துலா ராசி அன்­பர்­களே! 2023ஆம் ஆண்டில் ஓர­ள­வுக்கு அனு­கூ­ல­மான பலா­ப­லன்­களை அடை­யலாம். கடந்த இரண்­டரை வரு­ட­மாக அமைந்து வரும் அஷ்­டார்ந்த சனி எனும் 4ஆம் இட சனி­யின் சஞ்­சாரம் 29.03.2023 அன்று நீங்கி விடு­கின்­றது. அதன் பின்­ன­ரான சனீஸ்­வ­ரனின் சஞ்­சாரம் 5ஆம் இடம் அமை­கின்றார். பூர்வ புன்­னிய நிலை பூர்­வீக சொத்து சேர்க்கை, புத்­தி­ரர்­களின் மூல­மாக நன்மை, மன­நி­லையில் அமைதி என ஓர­ள­விற்கு அனு­கூ­ல­மான நற்­ப­லன்­களை எதிர்­கொள்ளக் கூடிய நிலைகள் அமையும். 22.04.2023 அன்று குரு­ப­கவான் உங்கள் ராசிக்கு 7ஆம் இடத்தில் அமை­வதால் குடும்ப நிலை சார்ந்த நன்­மைகள் அமையும். மனைவி வழி சொத்­துகள் சேரும். குடும்ப நிலையில் சுப­கா­ரிய நிகழ்­வுகள் ஏற்­படும். திரு­மணம், எதிர்­பார்க்­கின்­ற­வர்­களுக்கு அப்­பலன் நிறை­வா­ன­தாக அமையும். எதிர்­பார்ப்­பு­களில் அனு­கூ­ல­மான நன்­மைகள் அமையும். பொது­வாக உங்­களின் எதிர்­பார்ப்­பு­களை நிறைவேற்றக் கூடி­ய­தாக இருக்கும். 09.10.2023இல் உங்கள் ராசிக்கு ராகு 6ஆம் இடமும் கேது 12ஆம் இடமும் அமை­வது எதிர்­பா­ராத திடீர் நன்­மைகள், அனு­கூல பலன்­களைக் கொடுக்கும். பகை­வர்­களை வெல்லும் நிலை அமையும். பண வரவு தேவை­களைப் பூர்த்தி செய்யும் . நீண்­டநாள் எண்­ணங்கள், திட்­டங்கள் நிறை­வே­று­கின்ற நிலை  அமை­யும். பொது­வாக அமை­தி­யாக,மிகவும் பொறு­மை­யாக ,அடக்­க­மாக உங்­களின் செயல்­பாடு­களை தொட­ருங்கள். இடை­யூ­று­களை களைந்து வெற்றி அமையும். பெண்­க­ளுக்கும் மாண­வர்­க­ளுக்கும் நற்­ப­லன்கள் அமையும். நூற்றுக்கு 70 வீதம் நன்­மைகள் அமையும்.

விருச்சிகம்

(விசாகம் 4ஆம் பாதம், அனுஷம், கேட்டை)

காரி­யங்­களை மிகவும் கச்­சி­த­மாக செயற்­படுத்தும் ஆற்ற­லும் எளிதில் யாரையும் நம்­­பாத தன்­மையும் கொண்ட விருச்சிக ராசி அன்­பர்­களே! உங்­களின் ராசிக்கு 2023ஆம் ஆண்டில் சற்று போராட்­ட­மான நிலைகள் இருக்கும். அதற்கு ஏற்ப பொறுமை, நிதா­ன­முடன் செயற்­ப­டு­வது மிக­வும் நல்­லது. 29.03.2023 அன்று அமையும் சனிப் பெயர்ச்­சி­யா­னது உங்­களின் ராசிக்கு ‘கண்­டார்த்த சனி’ எனும் 4ஆம் இடம் அமை­கின்­றது. எனவே, எடுக்கும் முயற்­சி­க­ளிலே மிகவும் நிதா­னத்­துடன் செயற்­பட வேண்டும். குடும்ப நிலையில் சிக்கல், இழு­பறி நிலைகள் தொடரும். பண வரவு சற்று மத்­தி­ம­மா­ன­தா­கவே அமையும். தொழில் சார்ந்த வேலைப்­பளு அதி­க­மாக இருக்கும். கடன் பிரச்­சி­னை­களில் சிக்கல் இழு­ப­றிகள் அமையும். எதையும் திட்­ட­மிட்டு செய்ய முடி­யாத நிலை தொடரும். 22.04.2023 அன்று அமையும் குருப் பெயர்ச்­சி­யா­னது உங்­களின் ராசி நிலைக்கு ரோகஸ்தா­ன­மா­கிய 6ஆம் இடம் அமை­வது தேவை­யற்ற பிரச்­சி­னை­களை எதிர்­கொள்ள வேண்­டிய நிலை அமையும். தொழில் நிலையில் மறை­மு­க­மான எதிர்ப்­புகள், பிரச்­சி­னைகள் சூழும். உற­வி­னர்­க­ளுடன் மனஸ்­தாப நிலைகள் ஏற்­படும். 09.10.2023 அன்று அமையும் ராகு, கேது பெயர்ச்சி ராகு 5ஆம் இடத்­திலும் கேது 11ஆம் இடத்­திலும் அமை­கின்­றன. ராகுவின் சஞ்­சாரம், பிள்­ளை­களின் மூல­மாக சிக்கல் பிரச்­­­சினைகளை ஏற்படுத்தும். கேதுவின் சாரத்தினால்  ஓரள­­விற்கு சிறு சிறு நன்மை அமையும். பெண்­க­ளுக்கு மனச்­சஞ்­சல நிலை­­களும் சிக்கல் நிலை­­களும் இருக்கும். மாண­வர்கள் தங்­களின் கல்வி நிலையில் கூடு­த­லான கவனம் எடுக்க வேண்டும். பொது­வா­கவே இந்த 2023ஆம் ஆண்­­­டி­னிலே பல­வி­த­மான சிறு சிறு பிரச்­சினை இடை­யி­டையே ஏற்­பட்டு மறையும். நூற்றுக்கு 45 வீதம் நன்­மைகள் உண்டு.

தனுசு

(மூலம், பூராடம், உத்­த­ராடம் 1ஆம் பாதம்)

தன் போக்­கான பிடி­வாதம் கொண்டு செயல்­படும் நீங்கள் பல விட­யங்­களில் போரா­டியே ஜெயிப்­பீர்கள். உங்­களின் ராசி நிலைக்கு 2023ஆம் ஆண்டு பல விதத்­திலும் மிகவும் அனு­கூ­ல­மான நன்­மைகள் கொடுக்கும்.‘ஏழ­ரைச்­சனி’ எனும் தொடர் பிரச்­­சி­னை­­களில் இருந்து அனு­கூலம் பெறும்  ஆண்­டாக இவ்­வாண்டு உங்­க­ளுக்கு அமையப் போகின்­றது. 29.03.2023 முத­லாக ஏழரைச் சனி நீங்கி 3ஆம் இடம் சனி பகவானின் சஞ்­சாரம் அமையப் போகின்­றது. எடுக்கும் முயற்­சி­களில் நல்ல வெற்­றிகள் அனு­கூல பலன்கள் ஏற்­படும். தொழில் சார்ந்த முன்­னேற்­றங்கள் சிறப்­பாக அமையும். பண வரவு மிகவும் திருப்­தி­க­ர­மா­ன­தாக அமையும் .  குடும்­பத்தில் அனு­கூ­ல­மான நன்­மைகள் அமையும். அத்­தோடு 22.04.2023 அன்று குரு­ப­கவான் சஞ்­சாரம் பஞ்­ச­மஸ்­தா­ன­மா­கிய 5ஆம் இடம் அமை­வதால்  பூர்­வீக சொத்து வழங்­குகள் சுமு­க­மாக அமையும் . திரு­மணம் போன்ற சுப­கா­ரியங்களை  எதிர்­பார்க்­கின்­ற­வர்­களுக்கு அப்­பலன் நிறை­வாக அமையும். நீண்ட நாட்­க­ளாக எதிர்­பார்த்த விட­யங்­களில் வெற்­றியும் நன்­மையும் அமையும். கடன் நிலை­களில் சுமு­க­மான பலன்கள் ஏற்­படும். 09.10.2023 அன்று பெயர்ச்சி பெறு­கின்ற சாயக்­கி­ர­கங்கள் உங்கள் ராசிக்கு ராகு 4ஆம் இடமும் கேது 10ஆம் இடமும் அமை­கின்­றன. இதன்­மூலம்  ராகு எதிர்­பா­ராத திடீர் நன்­மைகளை கொடுக்கும். கேது தொழில் சார்ந்த முன்­னேற்றத்தை கொடுக்கும். எல்லா வகை­யி­லுமே இந்த 2023ஆம் ஆண்­டிலே பல­வி­த­மான நற்­ப­லன்­க­ளையும் பெற முடியும். பெண்­க­ளுக்கு மிகவும் மகிழ்­வான நிலையும், சுப­கா­ரிய நிலையும் அமையும். மாண­வர்­களின் கல்வி நிலையில் நல்ல முன்­னேற்றம் அமைந்­தி­ருக்கும். எதிர்­பார்க்கும் விடயம் கைகூடி வரும். இந்த ஆண்டு நூற்றுக்கு 85 வீதம் நற்­ப­லன்கள் உண்டு.

மகரம்

உத்­த­ராடம் 2, 3, 4ஆம் பாதம், திரு­கோணம், அவிட்டம் 1, 2ஆம் பாதம்)

மன­திலே அதி­க­மான தைரி­யம், எதையும் நிர்­வ­கிக்கும் திறன்­கொண்ட மக­ர­ராசி அன்­பர்­களே! உங்­களின் ராசி நிலைக்கு 2023ஆம் ஆண்டு சற்று இழு­ப­றி­யான நிலை இருக்கும். எடுக்கும் முயற்­சி­­களில் பொறு­மையும் நிதா­ன­மும் வேண்­டும். 29.03.2023 அன்று அமையும் சனிப் பெயர்ச்சி உங்­களின் ராசிக்கு ஏழரைச் சனி சஞ்­­சாரம் கடைக்­கூற்று சஞ்­சா­ர­மாக 2ஆம் இடத்­­திலே அமை­யும் எனவே, எடுக்கும் முயற்­சி­களில் சற்று காரி­யத்­த­டைகள் இருக்­கும். தொழில் சார்ந்த வேலைப் பளு அதிகமாக இருக்கும். எதிர்­பா­ராத செல­வீனம் ஏற்­படும். கடன் நிலை­களில் சற்று இழு­ப­றி­யான நிலைகள் அமையும். உடல் நிலை சார்ந்த உபா­தைகள் இருக்கும். எதிலும் நிதா­ன­மான செயல்­பாடு வேண்டும். உங்­களின் ராசிக்கு 22.04.2023 அன்று சனிப்பெயர்ச்சி அமையும். பொது­வாக மனச்­சஞ்­சலம், யோசனை என்­பன சற்று அதி­க­மாக இருக்கும். தாயார் வழியில் செல­வீனம் இருக்கும். எதையும் திட்­ட­மிட்டு செய்ய முடி­யாத நிலை இருக்கும். எல்லா விட­யங்­க­ளிலும் மிகவும் நிதா­னத்­துடன் தெளி­வாக செயல்­பட வேண்டும். எந்த விட­யத்­திலும் போராட்­ட­மான நிலை இருக்கும். 09.10.2023 அமையும் ராகு, கேது பெயர்ச்சி உங்­களின் ராசிக்கு ராகு 3ஆம் இடம், கேது 9ஆம் இடம் அமை­கின்­றன. இந்த பெயர்ச்சி இடை­யி­டையே சிறு சிறு நன்­மைகள் அனு­கூல பலன்களைக் கொடுக்கும். பெண்­க­ளுக்கு சற்று மனச்­சஞ்­சலம், போராட்ட நிலை என்­பன அமைந்­தி­ருக்கும். குடும்ப உற­வி­னர்­க­ளுடன் சிக்கல், இழு­ப­றிகள் ஏற்­படும். மாண­வர்­கள்  கல்வி நிலையில்  கூடு­த­லான முயற்சி எடுக்க வேண்டும். போராட்டம், தொட­ரும் நிலை­யுண்டு. நூற்றுக்கு 45 வீதம் நன்­மைகள் உண்டு. 

கும்பம்

(அவிட்டம் 3,4ஆம் பாதம், சதயம், பூரட்­டாதி 1, 2, 3ஆம் பாதம்)

எல்லா விட­யங்­களும் மிக சுல­ப­மாக உங்­களை தேடி வரும். அதிஷ்டம் பெற்ற நீங்கள் உங்கள்   நலத்தில் அதிக அக்­கறை கொண்டு செயற்­படும் குணம் கொண்ட கும்­ப­ராசி அன்­பர்­களே! உங்­களின் ராசிக்கு 2023ஆம் ஆண்டு சற்று சிர­மங்­களைக் கொடுக்கும். 29.03.2023 அன்று அமையும் சனிப்­பெ­யர்ச்சி உங்­க­ளுக்கு ஏழரைச் சனி சஞ்­சா­ரத்தின் ‘ஜென்­மச்­சனி’ எனும் நடுக்­கூற்றில் அமை­கின்­றது. எதிர்­பா­ராத திடீர் பிரச்­சி­னை­க­ளுக்கு முகம் கொடுக்க வேண்­டிய நிலை அமைந்­தி­ருக்கும். தொழில் நிலையில் வேலைப்­­பளு பிரச்­சி­னைகள், தொழிலில் மாற்­றம் அல்­லது தொழில் நிறுத்தம் போன்ற பலா­ப­லன்கள் அமையும். அதற்கு ஏற்ப மிகவும் நிதா­ன­மாக அனைத்தும் வந்­த­டையும். குடும்ப நிலையில் குழப்ப நிலைகள் வாக்கு வாதம், மன­நிலை சஞ்­சலம், உடல் நிலையில் திடீர் சுக­யீனம் போன்ற பலன்கள் அமையும். அதற்கு ஏற்ப உங்­களின் செயற்­பா­டு­களைக் கொண்டு செல்ல வேண்டும். 22.04.2023 அன்று அமையும் குருப்­­பெ­யர்ச்சி 3ஆம் இடம் அமை­வதால்  காரியத் தடைகள் அமையும். சகோ­த­ரர்­க­ளுடன் சிறு சிறு பிரச்­சினை அமையும். புதிய முயற்­சி­களில் சிக்கல், இழு­பறி, தடைகள் இருக்கும். நேர்­மை­யாக, அமை­தி­யாக அடக்­க­மாக உங்­களின் பணிகளை தொடர்­வதே உங்­க­ளுக்கு மிக மிக நல்­லது. கடன் பிரச்­சினை சிக்கல் ,இழு­பறி நிலை­களைக் கொடுக்கும். 09.10.2023 அன்று அமையும் ராகு, கேது பெயர்ச்­சி­யா­னது உங்­களின் ராசிக்கு ராகு 2ஆம் இடமும், கேது 8ஆம் இடமும் அமை­வது மத்­தி­ம­மான பலன்­க­ளையே கொடுக்கும். அதற்கு ஏற்ப மிக நிதா­ன­மாக செயற்­பட வேண்டும். பொது­வாக உடல் நிலையில் கவனம் வேண்டும். பெண்­க­ளுக்கு மனச் சஞ்­சலம், உற­வி­னர்­க­ளுடன் பிரச்­சினை, தேவை­யற்ற அலைச்சல் என்­பன அமைந்­தி­ருக்கும். மாண­வர்கள் கல்வி நிலையில் அதி­க­மான முயற்­சியும் ஊக்­கமும் எடுத்து செயற்­பட வேண்டும். எனவே கும்ப ராசி அன்­பர்­கள் தங்­களின் சாதுர்­ய­மான செயல்­பாட்டின் மூல­மாக மிகவும் நிதானமாக காரியங்களை  நகர்த்த வேண்டும். உங்களுக்கு நூற்றுக்கு 40 வீதம் அனுகூல பலன்­கள் உண்டு.

மீனம்

(பூரட்டாதி 4ஆம் பாதம், உத்தரட்டாதி ரேவதி)

மிகவும் முன்னிலையாக எல்லா விடயங்களி­லும் உங்­களை ஈடுபடுத்திக் கொள்ளும் குண இயல்புடைய மீனராசி அன்பர்­களே! உங்­களின் ராசிக்கு 2023ஆம் ஆண்டில் போராட்ட நிலை இருக்கும். எடுக்­கும் முயற்சி­களில் தடை தாமதங்களை எதிர­்கொள்ள நேரிடும். 29.03.2023 இல்  அமைகின்ற சனிப் பெயர்ச்சி 12ஆம் இடம் அமைந்து, உங்களின் ராசிக்கு ‘ஏழ­ரைச்­சனி’ ஆரம்பிக்கும் நிலையாக முதற்­கூறு அமை­கின்றது. எதிர்பாராத திடீர் பிரச்­சினை­கள், சிக்கல் நிலைகளை  எதிர்கொள்ள வேண்டிய நிலை இருக்கும். குடும்ப நிலையில் மனச்சஞ்­சலங்களும் பண விரயங்களும் அமை­யும். 22.04.2023 அன்று அமைகின்ற குருப்­பெயர்ச்சி தனஸ்தானமாகிய 2ஆம் இடம் அமைவது ஓரளவுக்கு அனுகூலமான நற்­பலன்­களைக் கொடுக்கும். எதையும் சமாளித்து வெற்றி கொள்ளக்கூடிய நிலைகள் இருக்கும். உறவினர்களின் மூலம் அனுகூலம் அமையும். திருமணம் போன்ற சுபகாரியம் 09.10.2023 அன்று அமையும். ராகு, கேது பெயர்ச்சி, ராகு உங்கள் ஜென்மராசிக்கும் கேது 7ஆம் இடமும் அமைகின்றன. எனவே சற்று பிரச்சினைகள், காரியத் தடைகள் இருக்கும். அதற்கு அமைய நிதானமாக செயற்பட வேண்டும். பெண்­களுக்கு மனச்சஞ்சல நிலைகள் இடையி­டையே அமையும். எதிர்பாராத நற்பலனும் அமை­யும். மாணவர்கள் கல்வி நிலையில் ஓரளவுக்கு அனுகூலமான நற்பலன்கள் அமை­யும் நிலையுண்டு. பொதுவாக குருவின் பலன் சிறு சிறு நன்மைகளைக் கொடுக்கும். ஏழரைச் சனி சஞ்சாரம் சற்று பிரச்சினைகளையும் இழு­பறி நிலைகளையும் கொடுக்கும். அதற்கு ஏற்ப செயற்­படவும். நூற்றுக்கு 50 வீதம் நன்மைகள் அமை­யும்.

-துன்னையூர் கலாநிதி ராம். தேவலோகேஸ்வரக் குருக்கள்

முக்கிய செய்திகள்

icon-left
icon-right