தவறவிடாதீர்கள்..!உடனே பதிவு செய்யுங்கள்

அகில இலங்கை சைவ மகா சபையினரால் வருடா வருடம் முன்னெடுக்கப்பட்டு வரும் திருவெம்பாவை விரதகால பாத யாத்திரை, இன்றைய தினம் (ஜன. 1) ஞாயிற்றுக்கிழமை காலை 7 மணியளவில் மாதகல் சம்பில்துறை சம்புநாத ஈஸ்வரத்திலிருந்து காரைநகர் ஈழத்து சிதம்பரத்தை நோக்கி ஆரம்பமானது. 

நந்திக் கொடியுடன் அடியார்கள் சிவனது நாமங்களை உச்சரித்தும், பாராயணம் செய்தும், ஆன்மிக கீர்த்தனைகளை பாடிய வண்ணமும் பாத யாத்திரையில் ஈடுபட்டனர்.

சாந்தை சிதம்பரேஸ்வரர் ஆலயம், சாந்தை வீரபத்திரர் ஆலயம், பனிப்புலம் முத்துமாரியம்மன் ஆலயம், சுழிபுரம் பறாளாய் பிள்ளையார் முருகன் ஆலயம், சுழிபுரம் மத்தி. கறுத்தனாத் தோட்டம் துர்க்கையம்மன் ஆலயம்,  சுழிபுரம் மேற்கு ஹரிகர புத்திர ஐயனார் ஆலயம், சுழிபுரம் மேற்கு கதிர்வேலாயுத சுவாமிகள் ஆலயம், சுழிபுரம் பெரியபுலோ வைரவர் ஆலயம், மூளாய் வதிரன்புலோ பிள்ளையார் முருகன் ஆலயம், மூளாய் இராவணேசுவரர் ஆலயம், வலந்தலை மடத்துக்கரை முத்துமாரியம்மன் ஆலயம் ஆகிய  திருத்தலங்களை தரிசித்தவாறு காரைநகர் ஈழத்து சிதம்பரத்தை சென்றடைந்து பாத யாத்திரை நிறைவுபெற்றது.