தவறவிடாதீர்கள்..!உடனே பதிவு செய்யுங்கள்

பாணந்துறை மற்றும் கட்டுபெத்த பிரதேசங்களில் போதைப்பொருள் கடத்தலுக்கு பயன்படுத்தப்பட்ட 4 மோட்டார் சைக்கிள்கள் மற்றும் 3 சொகுசு கார்களுடன் மூவர் கைது செய்யப்பட்டதாக களுத்துறை குற்றப்பிரிவு தெரிவித்துள்ளது.

கைது செய்யப்பட்டவர்கள் பாணந்துறை மற்றும் அநுராதபுரத்தை சேர்ந்த 25 மற்றும் 30 வயதுடையவர்கள் என பொலிஸார் தெரிவித்தனர்.

பாணந்துறை நிர்மலா மாவத்தையில் மோட்டார் சைக்கிளிலில் பயணித்த இரு பிள்ளைகளின் தந்தை ஒருவர்  சுட்டுக் கொல்லப்பட்ட சம்பவம், கட்டுபெத்த 255 பஸ் வீதியில் பின்வத்தை மற்றும் களுதேவல பிரதேசத்தில் வசித்த இருவர்  இருவர் சுட்டுக்கொல்லப்பட்ட சம்பவங்களுடன் இவர்களுக்கு தொடர்பிருப்பதாக கூறப்படுகிறது. 

சந்தேக நபர்களின் வீடுகளில் மோட்டார் சைக்கிள்களும், பாணந்துறை பிரதேசத்தில் மூன்று இடங்களில் மறைத்து வைக்கப்பட்டிருந்த சொகுசு கார்களும்  கைப்பற்றப்பட்டதாக பொலிஸார் தெரிவித்தனர்.

மூன்று வாகனங்களும் வரியின்றி கொண்டுவரப்பட்டு பாகங்களுடன்  இணைக்கப்பட்டு, போலியான இலக்கத் தகடுகள் மற்றும் போலி வருமான அனுமதிச் சீட்டுகளுடன் பயன்படுத்தப்பட்டதாக பொலிஸார் தெரிவித்தனர்.