(எம்.மனோசித்ரா)
கொழும்பு நுகர்வோர் விலைச் சுட்டெண்ணை அடிப்படையாகக் கொண்ட முதன்மைப் பணவீக்கம் இவ்வருடத்தில் (2022) மூன்றாவது முறையாக டிசம்பரிலும் வீழ்ச்சியடைந்துள்ளதாக இலங்கை மத்திய வங்கி தெரிவித்துள்ளது.
அதற்கமைய பணவீக்கம் 57.2 சதவீதமாகவும், உணவு பணவீக்கம் 64.4 சதவீதமாகவும், உணவல்லாப் பணவீக்கம் 53.4 சதவீதமாகவும் வீழ்ச்சியடைந்துள்ளது.
நவம்பரில் 61 சதவீதமாக காணப்பட்ட பணவீக்கம், டிசம்பரில் 57.2 சதவீதமாக வீழ்ச்சியடைந்துள்ளது.
இவ்வாறு பணவீக்கம் 4 சதவீதத்தினால் வீழ்ச்சியடைந்துள்ளதை தொடர்ந்து, உணவுப் பணவீக்கம் 9.3 சதவீதத்தினால் வீழ்ச்சியடைந்துள்ளது.
நவம்பரில் 73.7 சதவீதமாக காணப்பட்ட உணவு பணவீக்கம், டிசம்பரில் 64.4 சதவீதமாக குறைவடைந்துள்ளது.
இதேவேளை நவம்பரில் 54.5 சதவீதமாக காணப்பட்ட உணவல்லா பணவீக்கம், டிசம்பரில் 53.4 சதவீதமாக வீழ்ச்சியடைந்துள்ளது. 0.36 சதவீதமாக இருந்த உணவுப் பொருட்களின் விலைகளின் மாதாந்த வீழ்ச்சி இதற்கு பிரதானமாக பங்களித்ததாக மத்திய வங்கி தெரிவித்துள்ளது.
ஆண்டு சராசரி பணவீக்கம் 2022 நவம்பரில் 42.6 சதவீதத்திலிருந்து, டிசம்பரில் 46.4 சதவீதமாக வீழ்ச்சியடைந்துள்ளது.
பொருளாதாரத்தின் அடிப்படை பண வீக்கத்தினை பிரதிபலிக்கின்ற மையப் பணவீக்கம் 2022 நவம்பரில் 49.4 சதவீதத்திலிருந்து, டிசம்பரில் 47.7 சதவீதமாக குறைவடைந்துள்ளது.
இதே போன்று ஆண்டு சராசரி மையப் பணவீக்கம் நவம்பரில் 31.4 சதவீதத்திலிருந்து டிசம்பரில் 34.6 சதவீதமாக குறைவடைந்துள்ளதாக மத்திய வங்கி மேலும் தெரிவித்துள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM