சவூதியின் அல் நாசர் கழகத்தில் இணைந்தார் ரொனால்டோ; 7,800 கோடி ரூபா சம்பளம்

Published By: Sethu

02 Jan, 2023 | 10:05 AM
image

போர்த்துகல் கால்பந்தாட்ட வீரர் கிறிஸ்டியானோ ரொனால்டோ, சவூதி அரேபியாவின் அல் நாசர் கழகத்தில் இணைந்துள்ளார்.

2025  ஜூன் மாதம் வரை இரண்டரை வருடங்களுக்கு அல் நாசர் கழகத்தில் விளையாடுவதற்கு நேற்று வெள்ளிக்கிழமை ரொனால்டோ கையெழுத்திட்டுள்ளார் என அக்கழகம் அறிவித்துள்ளது.

 கிறிஸ்டியானோ ரொனால்டோவுக்கான சம்பள விபரம் உத்தியோகபூர்வமாக அறிவிக்கப்படவில்லை. எனினும், அவரின் வருடாந்த மொத்த சம்பளம் உத்தியோகபூர்வமாக அறிவிக்கப்படவில்லை. எனினும், வர்த்தக உடன்டபடிக்கைகள் உட்பட ரொனால்டோவின் வருடாந்த சம்பளம் 200 மில்லியன் யூரோ (சுமார் 7,800 கோடி  இலங்கை ரூபா/ 1768.கோடி  இந்திய ரூபா) என தகவல்கள் வெளியாகியுள்ள. இத்தகவல் உறுதிப்படுத்தப்பட்டால் அது கால்பந்தாட்ட வீரர் ஒருவருக்கு வழங்கப்படும் அதிகூடிய ஊதியாக அமையும்.

 37 வயதான கிறிஸ்டியானோ ரொனால்டோ, உலகின் மிகச் சிறந்த கால்பந்தாட்ட வீரருக்கான பெலோன் டி'ஓர் விருதை 5 தடவைகள் வென்றவர். கால்பந்தாட்டத்தில் பல சாதனைகளை அவர் படைத்துள்ளார்.

 தனது கால்பந்தாட்ட வாழ்க்கையின் ஆரம்பதில் போர்த்துகலின் ஸ்போர்ட்டிங் சி.பி. கழகத்தில் இணைந்த ரொனால்டோ 2003 ஆம் ஆண்டு தனது 18 ஆவது வயதில் இங்கிலாந்தின் மென்செஸ்டர் கழகத்தில் இணைந்து 2009 வரை அக்கழகத்துக்காக விளையாடினார். பின்னர், ஸ்பெய்னின் ரியல் மட்றிட் கழகத்தில் 2009 முதல் 9 வருடங்கள் விளையாடிய அவர், 2018 ஆம் ஆண்டு இத்தாலியின் ஜுவென்டஸ் கழகத்தில் இணைந்தார். 2001 ஆம் ஆண்டு அவர் தனது முந்தைய கழகமான இங்கிலாந்தின் மென்செஸ்டர்  யுனைடெட்டில் மீண்டும் இணைந்தார்.

எனினும், உலகக் கிண்ண கால்பந்தாட்டப் போட்டிகள் ஆரம்பமாகுவதற்கு முன் ரொனால்டோ அளித்த செவ்வியொன்றில், அக்கழகத்தின் பயிற்றுநர் எரிக் டென் ஹக்  மற்றும் கழக நிர்வாகிகளை கடுமையாக விமர்சித்திருந்தார்.

அதன்பின், மென்செஸ்டர் யுனைடெட் கழகத்திலிருந்து ரொனால்டோ வெளியேறிவிட்டார் என  கடந்த நவம்பர் 23 ஆம் திகதி அக்கழகம் அறிவித்தது.

உலகக்கிண்ணப் போட்டிகளில் பங்குபற்றிய நிலையில் அவர் புதிய கழகமொன்றில் இணைவதற்கான முயற்சிகளில் ஈடுபட்டிருந்தார்.

இங்கிலாந்தின் செல்சி, ஜேர்மனியின் பயேன் மியூனிக், இத்தாலியின் நபோலி முதலான கழகங்களும் ரொனால்டோவுடன் தொடர்புபடுத்தப்பட்டன.

இந்நிலையில் அல் நாசர் கழகத்துடனான ஒப்பந்தத்தில் ரொனால்டோ கையெழுத்திட்டதுடன், அக்கழகத்தின் அங்கியுடன் அவர் போஸ் கொடுத்துள்ளார். ரொனால்டோவின் அபிமான இலக்கமான 7 அந்த அங்கியில் அச்சிடப்பட்டிருந்தது.

அல் நாசர் கழகமானது சவூதி அரேபியாவின் 9 லீக் சம்பியன் பட்டங்களை வென்றுள்ளது. இறுதியாக 2019 ஆம் ஆண்டுசம்பியனாகியது.

ரொனால்டோவுடனா ஒப்பந்தம் கையெழுத்திடப்பட்டமையானது, 'எமது கழகம் மேலும் பெரிய வெற்றிகளை அடைவதற்கு உத்வேகமாக அமைவது மாத்திரமல்லலாமல், எமது லீக், எமதுநாடு மற்றும் எதிர்கால தலைமுறைகள், சிறுவர்கள், சிறுமிகள் சிறந் நிலையை அடைவதற்கும் உத்வேகமாக அமையும்' என அல் நாசர் கழகம் தெரிவித்துள்ளது.

றியாத் நகரை தளமாகக் கொண்ட அல் நாசர் கழகம் 1955 ஆம் ஆண்டு ஸ்தாபிக்கப்பட்டது. பிரான்ஸின் ரூடி கார்ஸியா இக்கழகத்தின் பயிற்றுநராக பதவி வகிக்கிறார்.

தொடர்புடைய செய்தி

சவூதியின் அல் நாசர் கழகத்துடன் இணைவதற்கு ரொனால்டோ பேச்சுவார்த்தை: கழக வட்டாரங்கள்

முக்கிய செய்திகள்

icon-left
icon-right

தொடர்பான செய்திகள்

news-image

ரியான் பரக்கின் அதிரடி ராஜஸ்தானை வெற்றிபெறச்...

2024-03-29 00:52:31
news-image

19 வயதின் கீழ் ஆஸி. அணியை...

2024-03-28 20:03:31
news-image

இலங்கை கால்பந்தாட்ட அணி, ஜனாதிபதியை சந்தித்தது

2024-03-28 17:49:42
news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35
news-image

ஸ்ரீ லயன்ஸ் அழைப்பு வலைபந்தாட்டப் போட்டியில்...

2024-03-26 19:25:58