தவறவிடாதீர்கள்..!உடனே பதிவு செய்யுங்கள்

யாழ். மாவட்ட அரசாங்க அதிபர் கணபதிப்பிள்ளை மகேசன் இளைஞர் மற்றும் விளையாட்டுத்துறை அமைச்சின் செயலாளராக பதவி உயர்வு பெற்றுச் செல்லவுள்ளார்.

இந்நிலையில் அவருக்கான பிரியாவிடை  நிகழ்வு இன்று வெள்ளிக்கிழமை (டிச. 30) மதியம் 1.30 மணியளவில் யாழ். மாவட்ட  செயலகத்தின் கேட்போர் கூடத்தில் மாவட்ட மேலதிக அரசாங்க அதிபர் ம.பிரதீபன் தலைமையில் நடைபெற்றது.

திரு.கணபதிப்பிள்ளை மகேசன் பொது நிர்வாக உள்நாட்டு அலுவல்கள் அமைச்சின் கீழ் உள்ள மட்டக்களப்பு மாவட்ட செயலாளராகவும், வெளிநாட்டு விவகார அமைச்சின் திணைக்கள பணிப்பாளராகவும் கடமையாற்றி, தற்போது யாழ். மாவட்ட அரசாங்க அதிபராக ஆற்றிவரும் தனது பணியினை நிறைவு செய்யவுள்ளமை குறிப்பிடத்தக்கது.

இந்நிகழ்வில் யாழ். மாவட்ட மேலதிக அரசாங்க அதிபர் முரளிதரன், காணி மற்றும் திட்டமிடல் பணிப்பாளர் திருமதி. நீக்ளஸ்பிள்ளை, விவசாயப் பணிப்பாளர் வாசுகி கமலேஸ்வரன், சமுர்த்திப் பணிப்பாளர் திவாகரன் உள்ளிட்ட பதவிநிலை உயர் அதிகாரிகள், பிரதேச செயலர்கள், மாவட்ட செயலக உத்தியோகத்தர்கள், மாவட்ட செயலக அலுவலர்கள் என பலரும் கலந்துகொண்டனர்.