வெந்தயக்கீரை துவையல்

Published By: Devika

29 Dec, 2022 | 01:15 PM
image

வயிறு தொடர்பான பிரச்சினைகளை சரிசெய்யும்.

இந்தக் கீரையில் விட்டமின் ‘சி’ அதிகம் உள்ளது. 

தேவையான பொருட்கள் : 

வெந்தயக் கீரை - 2 கட்டு 

வெங்காயம் - 1 

தக்காளி - 2 

இஞ்சி - ஒரு துண்டு

காய்ந்த மிளகாய் - 8

உப்பு - தேவையான அளவு

தாளிக்க: 

நல்லெண்ணெய் - 2 டீஸ்பூன் 

கடுகு - சிறிதளவு 

கறிவேப்பிலை 

பெருங்காயத் தூள் - ஒரு சிட்டிகை 

செய்முறை: 

கீரையை நன்றாக சுத்தம் செய்து கொள்ளவும். இஞ்சியை தோல் நீக்கி பொடியாக நறுக்கிக் கொள்ளவும். தக்காளி, வெங்காயத்தை பொடியாக நறுக்கி கொள்ளவும். கடாயை அடுப்பில் வைத்து சிறிது எண்ணெய் ஊற்றி சூடானதும் வெந்தயக் கீரை, வெங்காயம், தக்காளி, இஞ்சி, காய்ந்த மிளகாய் சேர்த்து நன்றாக வதக்கி, ஆறவைக்க வேண்டும். ஆறியதும் மிக்ஸியில் போட்டு அதனுடன் தேவையான அளவு உப்பு, சிறிது தண்ணீர் சேர்த்து அரைத்து கொள்ளவும். கடாயை அடுப்பில் வைத்து சிறிது எண்ணெய் விட்டு சூடானதும் கடுகு, கறிவேப்பிலை, பெருங்காயத்தை சேர்த்து தாளித்து துவையலில் சேர்க்க வேண்டும். இப்போது சூப்பரான வெந்தயக்கீரை துவையல் ரெடி.

முக்கிய செய்திகள்

icon-left
icon-right

தொடர்பான செய்திகள்