தவறவிடாதீர்கள்..!உடனே பதிவு செய்யுங்கள்

கம்போடியாவிலுள்ள  கசினோ ஹோட்டலொன்றில் பரவிய தீயினால் குறைந்தபட்சம் 10 பேர் உயிரிழந்துள்ளனர்.

தாய்லாந்தின் எல்லை அருகிலுள்ள பொய்பேட் நகரின் கிராண்ட் டயமன்ட் சிட்டி கசினோ ஹோட்டலி;  நேற்றிரவு 11.30 மணியளவில் இச்சம்பவம் இடம்பெற்றுள்ளதாக  கம்போடிய பொலிஸார் இன்று தெரிவித்துள்ளனர். 

இச்சம்பவத்தில் மேலும் 30 பேர் காயமடை;நதுள்னர் எனவும் பொலிஸார் கூறியுள்ளனர். 

இச்சம்பவம் இடம்பெற்றபோது மேற்படி கசினோவில் சுமார் 400 பேர் பணியாற்றிக் கொண்டிருந்தனர் என நம்பப்படுவதாகவும் பொலஸார் தெரிவித்துள்ளனர்.

AFP photo

தீயை அணைப்பதற்காக தாய்லாந்திலிருந்தும் தீயணைப்புப் படையினர் அனுப்பப்பட்டதாக தாய்லாந்து வெளிவிவகார அமைச்சு வட்டாரங்கள் தெரிவித்துள்ளனர். 

சுமார் 700 தாய்லாந்துப் பிரஜைகள் மீட்கப்பட்டு தாய்லாந்திலுள்ள வைத்தியசாலைகளுக்கு அனுப்பப்பட்டுள்ளனர் என தாய்லாந்து அதிகாரிகள் தெரிவித்துள்ளனர்.