தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

வறக்காப்பொல பொலிஸ் பிரிவிற்குட்பட்ட பகுதியில் 27 ஆம் திகதி செவ்வாய்க்கிழமை புதையல் தோண்டிய நால்வர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

வறக்காப்பொல பொலிஸாருக்கு கிடைக்கப்பெற்ற இரகசிய தகவலுக்கு அமைவாக வறக்காப்பொல மங்கெதர பிரதேசத்தில் மேற்கொள்ளப்பட்ட விசேட சுற்றிவளைப்பில் புதையல் தோண்டிய நான்கு பேர் இவ்வாறு கைது செய்யப்பட்டுள்ளனர்.

கைதுசெய்யப்பட்டவர்கள் 39, 41, 43 மற்றும் 44 வயதுடையவர்கள் எனவும் அவர்கள் கண்டி,பேராதனை மற்றும் அம்பிட்டி பிரதேசங்களை சேர்ந்தவர்கள் எனவும் பொலிஸார் தெரிவித்தனர்.

சந்தேகநபர்கள் வரகாபொல நீதவான் நீதிமன்றில் ஆஜர்ப்படுத்தப்படவுள்ளனர். வறக்காப்பொல பொலிஸார் மேலதிக விசாரணைகளை முன்னெடுத்துள்ளனர்.