தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

ஜனாதிபதி ரணில் விக்கிரமசிங்கவினால் போக்குவரத்து மற்றும் நெடுஞ்சாலை அமைச்சிற்கும், பொது நிர்வாக அமைச்சிற்கும் புதிய செயலாளர் நியமிக்கப்பட்டுள்ளனர்.

பொது நிர்வாகம், உள்நாட்டலுவல்கள், மாகாணசபைகள் மற்றும் உள்ளுராட்சி மன்ற அமைச்சின் செயலாளராக செயற்பட்டு வந்த எம்.எம்.பி.கே. மாயதுன்னே, போக்குவரத்து மற்றும் நெடுஞ்சாலை அமைச்சின் செயலாளராக நியமிக்கப்பட்டுள்ளார்.

இதே வேளை மகளிர், சிறுவர் விவகாரம் மற்றும் சமூக வலுவூட்டல் அமைச்சின் செயலாளராக செயற்பட்டு வந்த எச்.கே.டி.டபிள்யு.எம்.என்.பி.ஹப்புஹின்னே , பொது நிர்வாகம், உள்நாட்டலுவல்கள், மாகாணசபைகள் மற்றும் உள்ளுராட்சி மன்ற அமைச்சின் செயலாளராக நியமிக்கப்பட்டுள்ளார்.

இதே வேளை கல்வி அமைச்சின் செயலாளராக மீண்டும் எம்.என்.ரணசிங்க நியமிக்கப்பட்டுள்ளார். நீர்ப்பாசன அமைச்சின் செயலாளராக யு.டி.சி.ஜயலால் மற்றும் நீதி, சிறைச்சாலை மற்றும் அரசியலமைப்பு மறுசீரமைப்பு அமைச்சின் செயலாளராக வசந்த பெரேரா ஆகியோர் ஒரு வருட காலத்திற்கு நியமிக்கப்பட்டுள்ளனர்.

மேலும் மகளிர், சிறுவர் விவகாரம் மற்றும் சமூக வலுவூட்டல்கள் அமைச்சின் செயலாளராக எம். யமுனா பெரேரா , முதலீட்டு ஊக்குவிப்பு அமைச்சின் செயலாளராக எம்.எம்.நஜிமுதீன், சுற்றுலாத்துறை அமைச்சின் செயலாளராக ஆர்.எம்.டபிள்யு.எஸ்.சமரதிவாகர ஆகியோரும் நியமிக்கப்பட்டுள்ளனர். 

இந்த நியமனங்கள் ஜனவரி முதலாம் திகதி முதல் நடைமுறைப்படுத்தப்படும் என ஜனாதிபதி ஊடகப்பிரிவு தெரிவித்துள்ளது.