நாடு கடத்தப்பட்டு ஒரு வருடத்தின் பின் மீண்டும் அவுஸ்திரேலியாவுக்குத் திரும்பினார் ஜோகோவிச்

27 Dec, 2022 | 04:47 PM
image

உலகின் முன்னாள் முதல்நிலை டென்னிஸ் வீரரான சேர்பியாவின் நோவாக் ஜோகோவிச் இன்று அவுஸ்திரேலியாவை சென்றடைந்தார். 

கொவிட்19 தடுப்பூசி செலுத்தாததால் அவுஸ்திரேலியாவிலிருந்து நாடு கடத்தப்பட்டு சுமார் ஒரு வருடத்தின் பின்னர் அவர் மீண்டும் அவுஸ்திரேலியா சென்றுள்ளமை குறிப்பிடத்தக்கது.

கடந்த வருடம் அவுஸ்திரேலிய பகிரங்க டென்னிஸ் போட்டிகளின்போது,  ஏற்பட்ட சர்ச்சைகளையடுத்து, அவர் நாடு கடத்தப்பட்டதுடன், அவுஸ்திரேலியாவுக்குள் நுழைவதற்கு 3 வருட தடையும் விதிக்கப்பட்டிருந்தது.

35 வயதான ஜோகோவிச் உலகின் முன்னாள் முதல்நிலை வீரராவார்.  21 தடவைகள் ஒற்றையர் கிராண்ட் ஸ்லாம் சம்பியன் பட்டங்களை அவர் வென்றுள்ளார். இவற்றில் 9 அவுஸ்திரேலிய சம்பியன் பட்டங்களும் அடங்கும். தற்போது தரவரிசையில் 5 ஆவது இடத்தில் உள்ளார்.   

கடந்த வருடம் ஜனவரியில், அவுஸ்திரேலிய பகிரங்கப் போட்டிகளுக்காக, அப்போதைய நடப்புச் சம்பியனான ஜோகோவிச் அவுஸ்திரேலியாவுக்கு சென்றிருந்தார். ஆனால், அவர் கொவிட் 19 தடுப்பூசி செலுத்திக் கொள்ளாதமை சர்ச்சையை ஏற்படுத்தியது. 

 அவுஸ்திரேலிய அரசாங்கம் அவரை பல நாட்கள் தடுத்து வைத்திருந்த நிலையில், அவரின் விசாவையும் ரத்துச் செய்தது. இதற்கு எதிராக நீதிமன்றத்தில் ஜோகோவிச் தரப்பினால் தாக்கல் செய்யப்பட்ட மனு நிராகரிக்கப்பட்டது. அதன்பின் ஜோகோவிச் அவுஸ்திரேலியாவிலிருந்து நாடு கடத்தப்பட்டார்.

அவுஸ்திரேலிய சட்டப்படி நாடு கடத்தப்பட்டவருக்கு 3 வருடங்கள் விசா வழங்க முடியாது. 

எனினும், நோவாக் ஜோகோவிச் மீதான தடையை அவுஸ்திரேலிய அரசாங்கம் கடந்த நவம்பர் மாதம் நீக்கியதுடன், அவுஸ்திரேலிய பகிரங்க டென்னிஸ் போட்டிகளில் பங்குபற்றுவதற்காக விசாவையும் வழங்கியது. 

அவுஸ்திரேலிய பகிரங்க டென்னிஸ் சுற்றுப்போட்டி எதிர்வரும் 16 ஆம்  திகதி ஆரம்பமாகவுள்ளது. 

முக்கிய செய்திகள்

icon-left
icon-right

தொடர்பான செய்திகள்

news-image

டெல்ஹியின் வெற்றியில் கெப், ஜொனாசன், ஷஃபாலி...

2024-03-01 15:05:04
news-image

ஒலிம்பிக் விழாவுக்கான பாதுகாப்பு திட்டங்களைக் கொண்ட...

2024-02-29 20:04:27
news-image

பங்களாதேஷுடனான தொடர்களில் திறமையை வெளிபடுத்த முடியும்...

2024-02-29 14:55:53
news-image

பங்களாதேஷுடனான முதல் இரண்டு ரி20 போட்டிகளில்...

2024-02-28 23:55:46
news-image

பொதுநலவாய செஸ் போட்டியில் இலங்கைக்கு ஒரு...

2024-02-28 21:19:17
news-image

ஒரு நூற்றாண்டுக்கு முன் பாரிஸ் நகரில்...

2024-02-28 17:19:56
news-image

றோயல் செலஞ்சர்ஸுக்கு இலகுவான வெற்றி

2024-02-28 13:57:45
news-image

கெப், ராதா பந்துவீச்சிலும் லெனிங், ஷஃபாலி...

2024-02-27 17:50:51
news-image

சொந்த மண்ணில் தொடர்ச்சியாக வெற்றிகளைப்பெற்று அசத்தும்...

2024-02-27 16:51:10
news-image

நமிபியா வீரர் ஈட்டன் அதிவேக ரி20...

2024-02-27 16:54:52
news-image

பங்களாதேஷுடனான ரி20 தொடரில் அசலன்க தலைவராகிறார்

2024-02-27 12:52:21
news-image

டிசம்பரில் அங்குரார்ப்பண லங்கா ரி10 லீக்...

2024-02-26 21:34:26