நாட்டின் வெவ்வேறு பகுதிகளில் இடம்பெற்ற வாகன விபத்துக்களில் நால்வர் உயிரிழப்பு

Published By: Digital Desk 5

27 Dec, 2022 | 10:33 AM
image

(எம்.வை.எம்.சியாம்)

நாட்டின் வெவ்வேறு பகுதிகளில் நேற்று திங்கட்கிழமை (26) இடம்பெற்ற வாகன விபத்துக்களில் 23 வயதுடைய இளைஞர் உள்ளிட்ட நால்வர் உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.

குளியாப்பிட்டிய பொலிஸ் பிரிவிற்கு உட்பட்ட கொஸ்ஹென பிரதேசத்தில்  பயணித்து கொண்டிருந்த லொறி அதே திசையில் முன்னால் சென்று கொண்டிருந்த வேன் ஒன்றை முந்திச் செல்ல முயன்ற போது எதிர் திசையில் வந்த மோட்டார் சைக்கிள் ஒன்றுடன் நேருக்கு மோதி விபத்துக்குள்ளாகியுள்ளது.

இதன் போது காயமடைந்த மோட்டார் சைக்கிள் செலுத்திய நபர் குளியாப்பிட்டி வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

உயிரிழந்தவர் 23 வயதுடைய பிங்கிரிய பிரதேசத்தைச் சேர்ந்த ஒருவராவார்.

லொறி சாரதியின் கவனயீனம் விபத்து காரணம் என்றும் விபத்து தொடர்பில் லொறி சாரதி கைது செய்யப்பட்டுள்ளதாகவும் பொலிஸார் தெரிவித்தனர்.

குளியாப்பிட்டி பொலிஸார் மேலதிக விசாரணைகளை முன்னெடுத்துள்ளனர்.

இதேவேளை கஹவத்த பொலிஸ் பிரிவிற்கு உட்பட்ட   அம்பலன்வத்த பிரதேசதின் பெல்மடுல்ல இருந்து எம்பிலிப்பிட்டி நோக்கி பயணித்த லொறி எதிர்திசையில் வந்த பஸ் ஒன்றுடன் மோதி விபத்துக்குள்ளாகியுள்ளது.

இதன் போது பலத்த காயமடைந்த லொறி சாரதி கஹவத்த வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

உயிரிழந்தவர் 33 வயதுடைய எஹெலியகொட பிரதேசத்தைச் சேர்ந்த ஒருவராவார்.

சம்பவம் தொடர்பில் கஹவத்த பொலிஸார் மேலதிக விசாரணைகளை முன்னெடுத்துள்ளனர்

மேலும், தனமல்வில பொலிஸ் பிரிவிற்கு உட்பட்ட கிதுல்கோட்டை பிரதேசத்தின் வெல்லவாய இருந்து தனமல்வில நோக்கி பயணித்துகொண்டிருந்த வேன் எதிர்திசையில் வந்த  மோட்டார்சைக்கிளுடன் மோதி விபத்துக்குள்ளாகியதில் மோட்டார்சைக்கிள் செலுத்திய நபர் வைத்தியசாலையில் அனுமதிக்கப்பட்டு சிகிச்சை பலனின்றி உயிரிழந்துள்ளார்.

உயிரிழந்தவர் 42 வயதுடைய கிதுல்கோட்டை பிரதேசத்தைச் சேர்ந்த ஒருவராவார்.

விபத்து தொடர்பில் வேன் சாரதி கைது செய்யப்பட்டுள்ளார்.

தனமல்வில பொலிஸார் மேலதிக விசாரணைகளை முன்னெடுத்துள்ளனர்.

இதேவேளை கஹட்டகஸ்திகிலிய பொலிஸ் பிரிவிற்கு உட்பட்ட கெகிராவ சந்தியை அண்மித்த பகுதியில் ஹொரவபொத்தான நோக்கி பயணித்து கொண்டிருந்த பாதசாரி ஒருவர் மீது வாகனம் ஒன்று மோதியுள்ளது.

இதன் போது காயமடைந்த பாதசாரதி கஹட்டகஸ்திகிலிய வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

உயிரிழந்தவர் 64 வயதுடைய கெகிராவ சந்தியை சேர்ந்த ஒருவராவார்.

விபத்தை ஏற்படுத்திய வாகனம் தொடர்பில் இதுவரையில் எந்த வித தகவல்கள் கிடைக்கப் பெறவில்லை.

சம்பவம் தொடர்பில் கஹட்டகஸ்திகிலிய பொலிஸார் மேலதிக விசாரணைகளை முன்னெடுத்துள்ளனர்.

முக்கிய செய்திகள்

icon-left
icon-right

தொடர்பான செய்திகள்

news-image

பல்வேறு குற்றச் செயல்களுடன் தொடர்புடைய நபர்...

2024-05-29 11:53:39
news-image

மைத்திரிக்கு எதிரான தடை மேலும் நீடிப்பு...

2024-05-29 11:46:21
news-image

வன்னி ஊடகவியலாளரின் புகைப்படங்களுக்கு ஐ.நா அங்கீகாரம்

2024-05-29 11:51:57
news-image

கூரிய ஆயுதத்தால் தாக்கப்பட்டு பெண் உயிரிழப்பு!

2024-05-29 11:54:36
news-image

மரப்பெட்டி விழுந்து இளைஞன் மரணம்!

2024-05-29 11:47:18
news-image

பஸ் கவிழ்ந்து விபத்து ; 27...

2024-05-29 11:33:55
news-image

இலங்கையை சேர்ந்த நால்வர் கைதுசெய்யப்பட்ட விவகாரம்...

2024-05-29 11:03:50
news-image

இன்றைய தங்க விலைச் சுட்டெண்

2024-05-29 10:47:43
news-image

ரஷ்யாவுக்கு அனுப்புவதாகக் கூறி பண மோசடியில்...

2024-05-29 10:50:19
news-image

இலங்கையின் முதலாவது ஸ்ட்ரோபெரி முன்மாதிரி கிராமம்...

2024-05-29 10:24:11
news-image

இவ்வருடத்தின் இதுவரையான காலப்பகுதியில் 24,645 டெங்கு...

2024-05-29 10:56:48
news-image

இலங்கையின் நல்லிணக்க பொறிமுறை பாதிக்கப்பட்ட சமூகங்களின்...

2024-05-29 10:11:30