தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

கோப்பாய் பொலிஸ் பிரிவுக்குட்பட்ட  யாழ்ப்பாணம்-  பருத்தித்துறை பிரதான வீதியின் கூட்டுறவுஎரிபொருள் நிரப்பு நிலையத்திற்கு அருகில்  வியாழக்கிழமை  (டிச. 22) இடம்பெற்ற வாகன விபத்தில் 68 வயதுடைய ஆணொருவர் உயிரிழந்துள்ளார்.

யாழ்ப்பாணத்திலிருந்து பருத்தித்துறை நோக்கி பயணித்துக்கொண்டிருந்த தனியார் பஸ், பாதையின் குறுக்கே சைக்கிளில் பயணித்துக்கொண்டிருந்தவர் மீது மோதியதிலேயே இந்த வாகன விபத்து ஏற்பட்டுள்ளதாக  பொலிஸார் குறிப்பிடுகின்றனர்.

பலத்த காயத்திற்குள்ளானவரை  யாழ் வைத்தியசாலையில் சிகிச்சைப் பெற்று வந்த நிலையில் சிகிச்சைப் பலனின்றி உயிரிழந்துள்ளதுடன், சடலத்தை யாழ் வைத்தியசாலையில் வைக்கப்பட்டுள்ளதாகவும் கோப்பாய் பொலிஸார் தெரிவித்துள்ளனர்.

இவ்வாறு உயிரிழந்தவர் நீர்வேலியைச் சேர்ந்தவர் ஆவார்.