தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நீர்கொழும்பில் அமைந்துள்ள வைத்தியசாலையொன்றின் 8 ஆவது மாடியிலிருந்து குதித்து பெண்ணொருவர் உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.

சனிக்கிழமை (டிச. 17) காலை நீர்கொழும்பு வைத்தியசாலையின் 8 ஆவது மாடியிலிருந்து குதித்து படுகாயமடைந்த பெண், அதே வைத்தியசாலையின் அதிதீவிர சிகிச்சை பிரிவில் அனுமதிக்கப்பட்டு சிகிச்சை பலனின்றி உயிரிழந்துள்ளதாக நீர்கொழும்பு பொலிஸாருக்கு கிடைக்கப் பெற்ற தகவல்களுக்கமைய விசாரணைகள் முன்னெடுக்கப்பட்டுள்ளன.

இவ்வாறு உயிரிழந்த பெண் நீர்கொழும்பு - அலுத்வத்த பிரதேசத்தைச் சேர்ந்தவராவார்.

குறித்த பெண் கடந்த 14 ஆம் திகதி வயிற்று நோ காரணமாக வைத்தியசாலையில் அனுமதிக்கப்பட்டு சிகிச்சை பெற்று வந்துள்ளார்.

இந்நிலையிலேயே அவர் நேற்று சனிக்கிழமை காலை தங்கியிருந்த விடுதியிலிருந்து ஓடிச்சென்று, 8 ஆவது மாடியிலிருந்து கீழே குதித்துள்ளார்.

கட்டடத்தின் தரைத்தள வளாகத்தில் விழுந்த குறித்த பெண்ணுக்கு உடனடியாக சிகிச்சை வழங்கப்பட்டுள்ள போதிலும் அவர் சிகிச்சை பலனின்றி உயிரிழந்துள்ளார்.

நீர்கொழும்பு பொலிஸார் இது தொடர்பான மேலதிக விசாரணைகளை முன்னெடுத்துள்ளதாக பொலிஸ் ஊடகப்பிரிவு மேலும் தெரிவித்துள்ளது.

--