தவறவிடாதீர்கள்..!உடனே பதிவு செய்யுங்கள்

இலங்கை வர்த்தகர் தினேஸ் சாப்டர் படுகொலை குறித்த விசாரணைகளை மேலும் பரந்துபட்ட அளவில் முன்னெடுப்பதற்காக பல பொலிஸ் குழுக்களை நியமித்துள்ளதாக சிரேஸ்ட பொலிஸ் அதிகாரியொருவர் சனிக்கிழமை தெரிவித்துள்ளார்.

கனத்தை பொதுமயானத்தில் இடம்பெற்ற படுகொலைக்கான தெளிவான காரணத்தை இன்னமும் கண்டறியமுடியவில்லை என தெரிவித்துள்ள குறிப்பிட்ட பொலிஸ் அதிகாரி குறிப்பிட்ட பகுதியில் காணப்படும் சிசிடிவி கமரா பதிவுகளை ஆராய்ந்து வருவதாக தெரிவித்துள்ளார்.

குறிப்பிட்ட நேரத்தில் குறிப்பிட்ட பகுதியில் இயங்கிய கையடக்தொலைபேசிகள்  குறித்த தகவல்களை பெற்றுவருவதாகவும் அவர் தெரிவித்துள்ளார்.

காரை தடயவியல் பரிசோதனைக்கு உட்டுபடுத்தியுள்ளோம், என பொலிஸ் அதிகாரி தெரிவித்துள்ளார்.

பலகோணங்களில் விசாரணைகளை மேற்கொண்டுள்ளோம் நம்பத்தகுந்த காரணங்களை கண்டறிய முயல்கி;ன்றோம்,அவருடைய வர்த்தக சமூக தொடர்பில் உள்ளவர்களை கருத்திலெடுத்துள்ளோம், திறந்த மனதுடன் விசாரணைகள் இடம்பெறுகின்றன எனவும் அவர் தெரிவித்துள்ளார்.