குறைபார்வை உடையோருக்கான இ - 20 உலகக் கிண்ண கிரிக்கெட் அரை இறுதியில் பங்களாதேஷிடம் சரிந்தது இலங்கை

Published By: Vishnu

16 Dec, 2022 | 05:12 PM
image

(நெவில் அன்தனி)

இந்தியாவின் பெங்களூரில் நடைபெற்றுவரும் குறைபார்வை உடையோருக்கான இருபது 20 உலகக் கிண்ண கிரிக்கெட் போட்டியில் லீக் சுற்றில் திறமையை வெளிப்படுத்திய இலங்கை, அரை இறுதியில் பங்களாதேஷிடம் 64 ஓட்டங்களால் தோல்வி அடைந்தது.

சீரற்ற காலநிலை காரணமாக பெங்களூர் எஸ் எஸ் ஈ கிரிக்கெட் மைதானத்தில் வியாழக்கிழமை (15) நடைபெற்ற அரை இறுதிப் போட்டி அணிக்கு 17 ஓவர்களாக மட்டுப்படுத்தப்பட்டது.

அப் போட்டியில் முதலில் துடுப்பெடுத்தாடிய பங்களாதேஷ் நிர்ணயிக்கப்பட்ட 17 ஓவர்களில் 3 விக்கெட்களை மாத்திரம் இழந்து 183 ஓட்டங்களைக் குவித்தது.

சல்மான, மொஹமத் அஷிக்கூர் ரஹ்மான் ஆகிய இருவரும் 81 பந்துகளில் 154 ஓட்டங்களைப் பகிர்ந்து பங்களாதேஷுக்கு சிறந்த ஆரம்பத்தை இட்டுக்கொடுத்தனர்.

ரஹ்மான் 46 பந்துகளில் 9 பவுண்டறிகள், 2 சிக்ஸ்களுடன் 70 ஓட்டங்களையும் சல்மான் 39 பந்துகளில் 9 பவுண்டறிகளுடன் 61 ஓட்டங்களையும் பெற்றனர்.

மிகவும் கடுமையான 184 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய இலங்கை 14.3 ஓவர்களில் சகல விக்கெட்களையும் இழந்து 124 ஓட்டங்களைப் பெற்று தோல்வி அடைந்தது.

இலங்கையின் அதிசிறந்த ஆரம்ப வீரர்களான சுரங்க சம்ப்பத், ருவன் வசன்த ஆகிய இருவரும் அரை இறுதிப் போட்டியில் பிரகாசிக்கத் தவறியமை அணியின் தோல்விக்கு காரணமாக அமைந்தது.

வசன்த 24 ஓட்டங்களையும் சம்ப்பத் 20 ஓட்டங்களையும் பெற்றனர்.

இந்த சுற்றுப் போட்டியில் இந்தியா, தென் ஆபிரிக்கா, அவுஸ்திரேலியா, நேபாளம் ஆகிய நாடுகளும் பங்குபற்றியதுடன் லீக் சுற்றில் இந்தியாவிடம் மாத்திரமே இலங்கை தோல்வி அடைந்திருந்தது.

முக்கிய செய்திகள்

icon-left
icon-right

தொடர்பான செய்திகள்

news-image

நேபாளத்துக்கு கைக்கு எட்டியது வாய்க்கு எட்டவில்லை;...

2024-06-15 16:23:37
news-image

சமரி அத்தபத்தவுக்கு மீண்டும் ஐசிசி விருது...

2024-06-15 10:36:16
news-image

அமெரிக்க - அயர்லாந்து போட்டி மழையால்...

2024-06-15 06:57:40
news-image

ஆப்கானிஸ்தன் உள்ளே ! நியூஸிலாந்து வெளியே...

2024-06-14 13:52:46
news-image

பங்களாதேஷின் சுப்பர் 8 வாய்ப்பை ஷக்கிப்...

2024-06-14 01:42:11
news-image

நிறுத்தக் கடிகார விதிகளின் பிரகாரம் அபராதம்...

2024-06-13 17:39:33
news-image

சுப்பர் 8 சுற்றில் மேற்கிந்தியத் தீவுகள்;...

2024-06-13 11:11:44
news-image

மேற்கிந்தியத் தீவுகளுக்கு எதிரான போட்டி நியூஸிலாந்துக்கு...

2024-06-13 01:48:40
news-image

ஐக்கிய அமெரிக்காவை வெற்றிகொண்ட இந்தியா சுப்பர்...

2024-06-13 01:03:23
news-image

பாகிஸ்தானின் தலைவிதியைத் தீர்மானிக்கவுள்ள இந்தியா -...

2024-06-12 14:45:17
news-image

நமிபியாவை வீழ்த்திய அவுஸ்திரேலியா 2ஆவது அணியாக...

2024-06-12 10:16:02
news-image

கடும் மழையினால் இலங்கையின் சுப்பர் 8...

2024-06-12 09:55:49