தவறவிடாதீர்கள்..!உடனே பதிவு செய்யுங்கள்

ஈரான் ரஸ்யாவை சேர்ந்த மிகமோசமான குற்றங்கள் மனித உரிமை மீறல்களில் ஈடுபட்டவர்களை தண்டிப்பதற்காக அவர்களிற்கு எதிராக மனித உரிமை தடைகளை விதிக்கப்போவதாக அவுஸ்திரேலியா அறிவித்துள்ளது.

அவுஸ்திரேலிய வெளிவிவகார அமைச்சர் பெனிவொங் மக்னிட்ஸ்கி வகை தடைகளை அறிவித்துள்ளார்.

ஈரான் ரஸ்யாவைச்  சேர்ந்த 13 பேருக்கு எதிராக இந்த தடைகளை அவர் அறிவித்துள்ளார்.

ஈரானின் ஒழுக்கநெறி பொலிஸை சேர்ந்தவர்கள் மற்றும் துணை இராணுவகுழுக்களை சேர்ந்தவர்களிற்கு எதிராகவும் அவுஸ்திரேலியா தடைகளை விதித்துள்ளது.

இவர்கள் ஈரானில் தற்போது இடம்பெறும் ஆர்ப்பாட்டங்களை ஒடுக்கும் நடவடிக்கைகளில் ஈடுபட்டுள்ளனர் என அவுஸ்திரேலிய வெளிவிவகார அமைச்சர் தெரிவித்துள்ளார்.

ரஸ்யாவின் எதிர்கட்சி தலைவர் அலெக்சே நவலினியை கொலை செய்ய முயற்சி செய்த ஏழு ரஸ்யர்களிற்கு எதிராக மனித உரிமை தடைகளை அவுஸ்திரேலியா விதித்துள்ளது.