(நெவில் அன்தனி)
கொஸ்டா ரிக்காவுக்கு எதிராக அல் பெய்த் விளையாட்டரங்கில் வியாழக்கிழமை (01) நடைபெற்ற ஈ குழுவுக்கான தனது கடைசி லீக் போட்டியில் 4 - 2 என்ற கோல்கள் வித்தியாசத்தில் ஜேர்மனி வெற்றிபெற்றபோதிலும் இரண்டாவது தொடர்ச்சியான தடவையாக 2ஆம் சுற்று வாய்ப்பை இழந்தது.
ஜப்பானுக்கும் ஸ்பெய்னுக்கும் இடையிலான போட்டி முடிவில் தங்கியிருந்த முன்னாள் உலக சம்பியன் ஜேர்மனி கட்டாய வெற்றிக்காக கொஸ்டா ரிக்காவை எதிர்கொண்டது.
ஆனால், ஸ்பெய்னை ஜப்பான் வெற்றிகொண்டதால் நிகர கோல் வித்தியாச அடிப்படையில் ஜேர்மனியின் இரண்டாம் சுற்று நழுவிப்போனது.
போட்டியின் 10ஆவது நிமிடத்தில் சேர்ஜி ஞாப்றி போட்ட கோலுடன் ஜேர்மனி முன்னிலை அடைந்தது.
இடைவேளைவரை இந்த கோலுடன் முன்னலையில் இருந்த ஜேர்மனி, இடைவேளைக்குப் பின்னர் தடுமாற்றத்துடன் காணப்பட்டது.
இடைவேளை முடிந்து ஆட்டம் தொடர்ந்த 7ஆவது நிமிடத்தில் ஸ்பெய்னுடான போட்டியில் ஜப்பான் 2 கோல்களை அடுத்தடுத்து புகுத்தி முன்னிலையில் இருப்பதாக ஜேர்மனிக்கு தெரியவந்தது.
இதனை அடுத்து பயிற்றுநர் ஹன்சி ப்லிக், அணியில் மாற்று வீரர்களை களம் இறக்கி அதிக கோல்கள் வித்தியாசத்தில் வெற்றிபெறுவதற்கு முயற்சித்தார். ஆனால் அவரது எண்ணம் ஈடேறவில்லை.
எனினும் கொஸ்டா ரிக்கா 58ஆவது நிமிடத்தில் யெல்டிஷ் டெஜேடா மூலம் கோல் நிலையை சமப்படுத்தியது.
12 நிமிடங்கள் கழித்து ஜேர்மனி அணித் தலைவர் கோல் காப்பாளர் மெனுவல் நோயர் பந்தை தனது சொந்த கோலினுள் தவறுதலாக தட்டிவிட்டு கொஸ்டா ரிக்காவை முன்னிலையில் இடச் செய்தார்.
எனினும் 3 நிமிடங்கள் கழித்து ஜேர்மனி சார்பாக காய் ஹாவேர்ட்ஸ் கோலை நிலையை சமப்படுத்தினார்.
போட்டியின் கடைசிக் கட்டத்தில் 4 நிமிட இடைவெளியில் மேலும் 2 கோல்கைள ஜேர்மனி போட்டது.
85ஆவது நிமிடத்தில் காய் ஹாவேர்ட்ஸ் தனது 2ஆவது கோலைப் போட்டதுடன் 89ஆவது நிமிடத்தில் நிக்லாஸ் ஃபுல்கேர்க் அணியின் 4ஆவது கோலை போட்டார்.
இறுதியில் ஜேர்மனி 4 - 2 என வெற்றிபெற்றபோதிலும் நிகர கோல்கள் வித்தியாசம் அதன் 2ஆம் சுற்று வாய்ப்பை இல்லாமல் செய்தது.
குழு ஈ அணிகளின் இறுதி நிலை
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM