தவறவிடாதீர்கள்..!உடனே பதிவு செய்யுங்கள்

உலகக் கிண்ண கால்பந்தாட்டப் போட்டியின்போது, இனவாத விமர்சனங்களால் பாதிக்கப்பட்ட ஜேர்மனிய முன்னாள் வீரர் மெசுத் ஒஸிலின் படத்தை ஏந்திக்கொண்டு, தமது வாயை கையால் பொதிக்கொண்டு கத்தார் ரசிகர்கள் போஸ் கொடுத்தனர். 

கத்தாரில் ஒரு பாலின உறவு தடை செய்யப்பட்டுள்ள நிலையில், ஒருபாலின உறவாளர்களின் உரிமைகளுக்கு ஆதரவாக வன் லவ் கைப்பட்டியை அணிவதற்கு 7 ஐரோப்பிய நாடுகள் தீர்மானித்திருந்தன. இத்தகைய கைப்பட்டியை அணியும் வீரர்களுக்கு மஞ்சள் அட்டை காட்டப்படும் என  பீபா எச்சரித்தது. 

இதனால், அதிருப்தியடைந்த ஜேர்மனிய வீரர்கள், ஜப்பானுடனான தமது போட்டிக்கு முன்னர் குழுவாக படம்பிடித்துக்கொண்ட கொடுத்தபோது, தமது வாயை கையால் பொத்திக்கொண்டு போஸ் கொடுத்தனர். 

இந்நிலையில்,இலங்கை, இந்திய நேரப்படி இன்று அதிகாலை நடைபெற்ற போட்டியில் ஸ்பெய்னுடன் ஜேர்மனி மோதியது. 

இப்போட்டியின்போது, அரங்கிலிருந்த கத்தார் ரசிகர்கள் பலர், ஜேர்மனிய அணியின் முன்னாள் வீரர் மெசுத் ஒஸிலின் படத்தை  ஏந்தியவாறு கையால் வாயைப் பொதிக்கொண்டிருந்தனர். 

துருக்கிய பெற்றோரின் மகனாக மேற்கு ஜேர்மனியில் 1988 ஆம் ஆண்டு பிறந்தவர் மெசுத் ஒஸில் (Mesut Ozil)

2014 இல் ஜேர்மனி, உலகக் கிண்ணத்தை வெல்வதற்கு பங்காற்றியவர் அவர். எனினும் 2018 ஆம் ஆண்டு உலகக் கிண்ணப் போட்டிகளில் ஜேர்மனி பிரகாசிக்கத் தவறிய நிலையில் மெசுத் ஒஸில் மோசமாக விமர்சிக்கப்பட்டார். 

துருக்கிய வம்சாவளியினரை இனவாதமாக நடத்துவதாக ஜேர்மன் கால்பந்தாட்டச் சம்மேளனம், ரசிகர்கள், ஊடகங்கள் மீது மெசுத் ஒஸில் குற்றம் சுமத்தினார்.

துருக்கிய ஜனாதிபதி தையீப் அர்துகானின் புகைப்படத்துடன் ஒஸில் போஸ் கொடுத்ததையடுத்து இவ்விமர்சனங்கள் அதிகரித்தன.

அதன்பின் 2018 ஆம் ஆண்டு சர்வதேச கால்பந்தாட்டத்திலிருந்து ஓய்வு பெற்ற ஒஸில், 'நாம் வெற்றி பெறும் போது நான் ஒரு ஜேர்மனியன், தோல்வியடையும்போது நான் ஒரு குடியேறி' எனக் கூறியிருந்தார். 

இவ்வாறான பின்னணியிலேயே மெசுத் ஒஸிலின் படத்துடன் வாயைப் பொத்தியவாறு கத்தார் ரசிகர்கள் காணப்பட்டனர்.

தொடர்புடைய செய்திகள்

பீபா தலைவருக்கு அருகில் வன்லவ் கைப்பட்டியுடன் அமர்ந்த ஜேர்மனிய அமைச்சர் 

வாயை பொத்திக்கொண்டு போஸ் கொடுத்த ஜேர்மனிய வீரர்கள்

உலக கிண்ணத்தில் சர்ச்சையை ஏற்படுத்தியுள்ள ஒன்லவ் கைப்பட்டி