தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

நாடளாவிய ரீதியில் உள்ள சிறைச்சாலைகளில் அதிகபட்சமாக 13,200 கைதிகளை அடைத்து வைக்கும் திறன் உள்ளது. ஆனால் தற்போது 26,000 கைதிகள் சிறைச்சாலைகளில் இருப்பதாக மேலதிக ஆணையாளர் பொது ஊடகப் பேச்சாளர் சந்தன ஏக்கநாயக்க தெரிவித்தார்.

அதன்படி, இவர்களில் 13,300 கைதிகள் போதைப்பொருள் தொடர்பான குற்றச்சாட்டின் காரணமாக சிறையில் அடைக்கப்பட்டுள்ளனர்.மேலும் சிறைகளில் உள்ள ஏனைய கைதிகளின் எண்ணிக்கை 10,000 மற்றும் சந்தேக நபர்களின் எண்ணிக்கை 16,000 காணப்படுகிறது.

இந்த வருடத்தின் ஆரம்பத்துடன் நாட்டில் உள்ள ஒவ்வொரு சிறைச்சாலைகளிலும் சிறைச்சாலைகளுக்குள் பிரவேசிக்கும் கைதிகளின் எண்ணிக்கை அதிகரித்துள்ளது.

இந்நிலையில் மரண தண்டனை விதிக்கப்பட்ட கைதிகளின் எண்ணிக்கை 1,177 ஆகும். இவர்களுள் மரண தண்டனை உறுதி செய்யப்பட்ட கைதிகளின் எண்ணிக்கையில்  12 பெண்கள் உட்பட 642 பேர் உள்ளடங்குகின்றனர். மேலும் மரண தண்டனை உறுதிப்படுத்தப்பட்டு மேல்முறையீடுகளைச் சமர்ப்பித்த 15 பெண்கள் உட்பட 535 பேர் காணப்படுகிறார்கள். ஆயுள் தண்டனை விதிக்கப்பட்ட சுமார் 500 பேரும் சிறைகளில் உள்ளனர் என்றார்.