தவறவிடாதீர்கள்..!உடனே பதிவு செய்யுங்கள்

(நமது நிருபர்)

சுருதி என்ற புனைப் பெயரைக் கொண்ட வைத்திய கலாநிதி சுஜந்தன் காசிலிங்கம் எழுதிய 'ஊன்றுகோல்' நூல் அறிமுக விழா நாளை (26) சனிக்கிழமை லண்டனில் நடைபெறவுள்ளது.

கவிஞர் பாலரதி தலைமையில் நடைபெறும் இந்நிகழ்வில் புலவர் சிவநாதன் ஆசியுரையும் வாணன் வெளியீட்டு உரையையும் நிகழ்த்துவர்.

தமிழறிஞர் மூத்த ஊடகவியலாளர் எழுத்தாளர், சைவசித்தாந்த ஆசிரியர், முனைவர் பட்ட ஆய்வாளர் சூ.யோ.பற்றிமாகரன், போரியல் ஆய்வாளர் அருஸ், அண்ணா பல்கலைக்கழக ஆசிரிய பட்டதாரி மாணவி திருமதி விழியரசி, தமிழவையின் திருமதி அஞ்சு ராமதாஸ், ஆய்வாளர்  குணாகவியழகன், பொருளாதார ஆய்வாளர் க.பாலகிருஸ்ணன் ஆகியோர் கருத்துரையாற்றுவார்கள்.

இந்நிகழ்வு பிற்பகல் 1.00 மணி தொடக்கம் 4.30 வரையில்  St. John The Evangelists Community Centre, Wembley, HA0 2HX  என்ற இடத்தில் நடைபெறும்.

இந்த நிகழ்வு நூலாசிரியரின் சகோதரர் விஜிந்தன் காசிலிங்கம் (கப்டன்) மலரவனின் 30 ஆம் வருட நினைவு நாளையொட்டி இடம்பெறுவதாக அறிவிக்கப்பட்டுள்ளது.

போர்க்கால வலிகள் நிறைந்த வாழ்க்கையையும் சாட்சிகளற்று இடம்பெற்ற இன அழிப்பு நடவடிக்கைகளையும் இந்நூல் சுமந்து வருகின்றமை குறிப்பிடத்தக்கது.