சிறார்களுக்கான திரைப்படத்தை இயக்கும் மாரி செல்வராஜ்

By Digital Desk 5

22 Nov, 2022 | 11:49 AM
image

இயக்குநரான மாரி செல்வராஜ், 'வாழை' என பெயரிடப்பட்டிருக்கும் சிறார்களுக்கான திரைப்படத்தினைத் தயாரிப்பதன் மூலம் தயாரிப்பாளராகவும் உயர்ந்திருக்கிறார்.

'பரியேறும் பெருமாள்', 'கர்ணன்' ஆகிய இரண்டு படைப்புகளின் மூலம் தமிழ் ரசிகர்களிடத்தில் தனித்துவமான கவனத்தை பெற்றவர் இயக்குநர் மாரி செல்வராஜ். தற்போது இவர் உதயநிதி ஸ்டாலின் கதையின் நாயகனாக நடித்திருக்கும் 'மாமன்னன்' எனும் படத்தின் இறுதி கட்ட பணிகளில் ஈடுபட்டிருக்கிறார்.

இந்நிலையில் இவர் தன்னுடைய குருநாதரை போல் பயணிக்க தொடங்கி இருக்கிறார். நவ்வி ஸ்டுடியோஸ் எனும் பெயரில் பட தயாரிப்பு நிறுவனம் ஒன்றை சொந்தமாக தொடங்கி இருக்கிறார்.

இந்நிறுவனத்தின் முதல் தயாரிப்பாக மாரி செல்வராஜ் இயக்கத்தில் 'வாழை' எனும் திரைப்படம் தயாராகிறது. இதன் தொடக்க விழா சென்னையில் சிறப்பாக நடைபெற்றது.

இவ்விழாவில் தமிழக சட்டமன்ற உறுப்பினரும், நடிகரும், தயாரிப்பாளருமான உதயநிதி ஸ்டாலின் சிறப்பு அதிதியாக பங்கு பற்றி வாழ்த்து தெரிவித்தார்.

'வாழை' படத்தில் ஐந்து சிறுவர்கள் கதையின் நாயகர்களாக முதன்மையான கதாபாத்திரத்தில் நடிக்கிறார்கள். இவர்களுடன் கலையரசன், நிகிலா விமல், திவ்யா துரைசாமி, 'வெயில்' பட புகழ் நடிகை பிரியங்கா உள்ளிட்ட பலர் முக்கியமான வேடங்களில் நடிக்கிறார்கள்.

தேனி ஈஸ்வர் ஒளிப்பதிவு செய்யும் இந்த திரைப்படத்திற்கு சந்தோஷ் நாராயணன் இசையமைக்கிறார். சிறார்களின் வாழ்வியலை மையப்படுத்தி தயாராகும் இந்த திரைப்படத்தை நவ்வி ஸ்டுடியோஸ் எனும் பட நிறுவனம் சார்பில் திருமதி திவ்யா மாரி செல்வராஜ் மற்றும் மாரி செல்வராஜ் ஆகியோர் தயாரிக்கிறார்கள்.

படத்தின் படப்பிடிப்பு விரைவில் தொடங்கும் என்று அறிவிக்கப்பட்டிருக்கிறது. படத்தின் தொடக்க விழா அன்றே ஃபர்ஸ்ட் லுக் வெளியிடப்பட்டிருக்கிறது.

ஃபர்ஸ்ட் லுக்கில் கிராமத்து நிலவியல் பின்னணியும், சிறார்களின் இயல்பான தோற்றமும், யதார்த்தமாக வடிவமைக்கப்பட்டிருப்பதால் ரசிகர்களின் கவனத்தையும் ஈர்த்திருக்கிறது.

'வாழை' திரைப்படம் பட மாளிகையில் வெளியாகாமல் நேரடியாக டிஸ்னி ஹாட் ஸ்டார் எனும் டிஜிட்டல் தளத்தில் வெளியாகும் என அவதானிக்கப்படுகிறது.

முக்கிய செய்திகள்

icon-left
icon-right

தொடர்பான செய்திகள்

news-image

நடிகை வரலட்சுமி சரத்குமார் நடிக்கும் ‘சபரி’...

2022-12-09 11:40:19
news-image

நயன்தாராவின் 'கனெக்ட்' திரைப்படத்தின் முன்னோட்டம் வெளியீடு

2022-12-09 11:39:53
news-image

தனுஷின் 'கேப்டன் மில்லர்' படத்தில் இணைந்த...

2022-12-09 11:36:08
news-image

ஹிப் ஹொப் ஆதி தமிழாவின் ஜோடியாக...

2022-12-09 11:21:41
news-image

முதலிடத்தை பிடித்த தனுஷ்

2022-12-08 11:57:54
news-image

தொடர்ந்து திரைப்படங்களை தயாரிப்பேன்- விஷ்ணு விஷால்

2022-12-08 13:08:34
news-image

புனித யாத்திரை மேற்கொண்டிருக்கும் நடிகை மும்தாஜ்

2022-12-08 11:09:50
news-image

யோகி பாபு நடிக்கும் 'மலை' படத்தில்...

2022-12-08 11:04:20
news-image

தமிழ்த் திரைப்பட நகைச்சுவை நடிகர் சிவ...

2022-12-08 10:43:40
news-image

மண வாழ்க்கையை உற்சாகமாக தொடங்கிய ஹன்சிகா

2022-12-07 12:31:12
news-image

பரத் நடிக்கும் 'லவ்' படத்தின் டீசர்...

2022-12-07 11:16:56
news-image

நயன்தாரா நடித்திருக்கும் 'கனெக்ட்' திரைப்படத்தின் முன்னோட்ட...

2022-12-07 11:14:53