தவறவிடாதீர்கள்..!உடனே பதிவு செய்யுங்கள்

இணையத்தில் #ConnectTeaserReaction எனும்என்ற ஹேஷ்டேக்கில் வெளியிடுபவர்களின் சிலரை தெரிவு செய்து, நடிகை நயன்தாராவுடன் சினிமா பார்க்க  வைப்பதாக “கனெக்ட்” பட குழு அறிவித்துள்ளது.

மாயா, இறவாக்காலம், கேம் ஓவர் போன்ற திரைப்படங்களை இயக்கியவர் அஸ்வின் சரவணன். இவர் நடிகை நயன்தாராவை முன்னணி கதாபாத்திரமாக வைத்து அடுத்து இயக்கிவரும் திரைப்படம் “கனெக்ட்”. ரெளடி பிக்சர்ஸ் தயாரிக்கும் இப்படத்தில் நயன்தாராவுடன், அனுபம் கெர், சத்யராஜ் உட்பட பல பேர் நடிக்கின்றனர். 

இந்த நிலையில் நயன்தாராவின் பிறந்தநாளை முன்னிட்டு இத்திரைப்படத்தின் டீசரை படக் குழுவினர் வெளியிட்டனர்.

த்ரில்லர் பாணியில் உருவாகி இருக்கும் இப்படத்திற்கு பிருத்வி சந்திரசேகர் இசையமைத்துள்ளார். டீசர் இப்போது 2 மில்லியன் (20 லட்சம்) பார்வையாளர்களை கடந்துள்ளது.

இப்படத்தின் டிரைலருக்கு ரியாக்‌ஷன் வீடியோவை கன்னெக்ட்டீசர்ரியாக்‌ஷன் (#ConnectTeaserReaction) எனும் ஹேஷ்டேக்கில் வெளியிடுபவர்களில் சிலபேர்  தெரிவு செய்யப்பட்டு லேடி சூப்பர் ஸ்டார் நயன்தாராவுடன் கனெக்ட் திரைப்படத்தை வெளியாகும் முன்பே பார்க்கலாம் என்று படக்குழுவினர் தெரிவித்துள்ளனர்.