7,800,000 ஆண்டுகளுக்கு முன்பே உணவை சமைத்து உட்கொண்ட மனிதர்கள் - ஆய்வில் வெளியான ஆச்சரியம்!

By Digital Desk 2

21 Nov, 2022 | 12:05 PM
image

சுமார் 7,800,000 ஆண்டுகளுக்கு முன்பே மனிதர்கள் உணவை சமைத்து உட்கொண்டார்கள் என்பதற்கான சான்றுகள் கிடைக்கப்பெற்றுள்ளது.

மனிதர்கள் நூறாயிரக்கணக்கான ஆண்டுகளுக்கு முன்பே பரிமாண வளர்ச்சியைப் பெற்றுள்ளனர் என்பதை உரக்கச் சொல்கிறது. எங்கே? தொல்லியல் ஆய்வின் வெளியான தகவல்கள் என்ன? என்பது குறித்து இங்கே விரிவாக அறிந்துக் கொள்வோம்.

மனிதன் ஆதிகாலத்தில் தனக்குத் தேவையான காய்கறிகள் மற்றும் மாமிசங்களைக்கூட பச்சையாகத் தான் உட்கொண்டார்கள் என்று நாம் அறிந்திருப்போம்.

இதை தொடர்ந்து கற்களை உரசி அதன் மூலம் பெறக்கூடிய நெருப்பினால் தங்களுக்கான உணவுகளைச் சுட்டு உட்கொண்டார்கள்  என்றெல்லாம் வரலாற்று ஆய்வுகள் நமக்கு கூறுகிறது. 

பொதுவாக இந்த உலகில் மனிதர்கள் மட்டுமே உணவைச் சமைக்க தெரிந்த ஒரே இனம் என்று கூறப்பட்டாலும் எப்போது இவர்கள் முதலில் சமைக்கத் ஆரம்பித்தார்கள் என்பதற்கான சான்றுகள் இதுவரை கிடைக்கப்பெறவில்லை.

இருந்தப் போதும் வரலாற்று ஆராய்வுகளின் கூற்றுப்படி, கி.மு 1,70,000க்கு முன்பு தான் மனிதர்கள் உட்கொண்டார்கள் என்பதற்கான சான்றுகள் கிடைக்கப்பெற்றுள்ளது.

இந்நிலையில் தான், இதற்கெல்லாம் முன்னதாகவே மனிதர்கள் உணவை சமைத்து உட்கொண்டார்கள் என்று ஆதாரங்களுடன் இஸ்ரேல் பல்கலைக்கழக ஆராய்ச்சியாளர்கள் கண்டுபிடித்துள்ளனர். 

பல பல்கலைக்கழங்களை சேர்ந்த தொல்பொருள் ஆராய்ச்சியாளர்கள் குழு, சமீபத்தில் இஸ்ரேலில் தொல்பொருள் தளத்தைக் கண்டுபிடித்தது. இது உணவு சமைப்பதற்கு முதன் முதலில் நெருப்பைப் பயன்படுத்துவதை ஆவணப்படுத்தியது தெரியவந்துள்ளது.

டெல் அவிவ் பல்கலைக்கழகத்தின் டாக்டர் இரிட் சோஹேர் தலைமையிலான ஆராய்ச்சியாளர்கள் நடத்திய ஆய்வின் போது, நன்னீர் பகுதியில் கொண்டை மீன் போன்ற மீன் எச்சங்களைக் கண்டறிந்து ஆய்வு நடத்தியுள்ளர். 

ஆராய்ச்சியாளர்கள் மீன்களுடைய பற்களின் ஈறுகளில் இருந்து படிகக் கற்களை ஆய்வு செய்த போது, அந்த மீன்கள் சுட்டு சாப்பிடப்படவில்லை என்றும், குறைந்த அளவிலான வெப்பநிலையில் சமைக்கப்பட்டது என கண்டறியப்பட்டது. ஆனால் எப்படி சமைத்தார்கள் என்று தெரியவில்லை, ஆனாலும் உணவை சுட்டு உட்கொள்ளவில்லை என்பது மட்டும் தெளிவாகியுள்ளது.

ஆராய்ச்சியாளர்கள் தெரிவித்த தகவலின் படி, சுமார் 7,800,000 ஆண்டுகளுக்கு முன்பே உணவை மனிதர்கள் சமைத்து உட்கொண்டார்கள்  என்று தெரிய வந்துள்ளது. இந்த ஆய்வின் படி, உணவைச் சமைக்க தேவையான திறனை பெறுவது குறிப்பிடத்தக்க பரிணாம முன்னேற்றத்தை குறிக்கிறது. 

ஏனெனில் இது கிடைக்கக்கூடிய உணவு வளங்களை தகுந்த முறையில் பயன்படுத்துவதற்கான கூடுதல் வழியை வழங்கியது என்று அகழ்வராய்ச்சியின் இயக்குரான ஜெருசலேமின் ஹீப்ரு பல்கலைக்கழகத்தைச் சேர்ந்த பேராசிரியர் நாமா கோரான் இன்பார் கூறியுள்ளார்.

முன்னதாக ஆப்பிரிக்காவில் கண்டுபிடிக்கப்பட்ட ஆய்வின் போது, கி.மு 170,000 ஆண்டுகளுக்கு முன்பு தான் மனிதர்கள் சமைத்தார்கள் என்பதற்கான சான்றுகள் கிடைக்கப்பெற்றது ஆனால் தற்போது கிடைத்துள்ள ஆய்வுகளின் படி, சுமார் 600,000 ஆண்டுகளுக்கு முன்னதாகவே மனிதர்கள் நாகரிக வளர்ச்சியுடன் வாழ்ந்துள்ளார் என்பது நிரூபணமாகியுள்ளது. குறிப்பாக ஆரம்ப கால மனிதர்கள், நன்னீர் குடியேற்றங்களில் வாழ்ந்து, தங்கள் உணவை சமைக்கக் கற்றுக்கொண்டவர்கள் என்றும் நாம் முன்பு புரிந்துக்கொண்டதை விட மிகவும் முன்னேறியவர்கள் என்றும் ஆராய்ச்சிகள் கூறுகின்றனர்.

முக்கிய செய்திகள்

icon-left
icon-right

தொடர்பான செய்திகள்

news-image

அவுஸ்திரேலிய கடற்கரையில் நிர்வாணமாக திரண்ட கூட்டம்...

2022-11-27 15:57:42
news-image

140 ஆண்டுகளுக்குப் பிறகு கண்டறியப்பட்ட பறவை...

2022-11-28 09:09:26
news-image

உல்லாசக் கப்பலிலிருந்து கடலில் வீழ்ந்த இளைஞர்...

2022-11-26 19:50:58
news-image

வரலாற்றில் இன்று - மிரபால் சகோதரிகள்...

2022-11-25 13:00:05
news-image

195 கிலோ கஞ்சாவை எலிகள் தின்றுவிட்டதாக...

2022-11-24 18:27:49
news-image

 உலகின் வயதான பூனை : கின்னஸ்...

2022-11-24 17:31:12
news-image

30 கிலோ எடையுள்ள கோல்ட்பிஷ் மீன்...

2022-11-22 11:35:44
news-image

7,800,000 ஆண்டுகளுக்கு முன்பே உணவை சமைத்து...

2022-11-21 12:05:08
news-image

சக்கரக்கதிரையின் சக்கரங்களில் ஒளித்து போதைப்பொருளை கடத்த...

2022-11-17 16:05:32
news-image

உலகின் 800 ஆவது கோடி குழந்தை...

2022-11-17 12:54:03
news-image

ஸ்டீவ் ஜொப்ஸின் பழைய பாதணி 8...

2022-11-16 11:34:57
news-image

மிக நீளமான மூக்கு கொண்ட மனிதர்

2022-11-15 17:44:46