தவறவிடாதீர்கள்..!உடனே பதிவு செய்யுங்கள்

போலந்தில் தொழில் பெற்றுத் தருவதாகக் கூறி பணமோசடியில் ஈடுபட்டார் என்ற குற்றச்சாட்டில்  ஆயுர்வேத நிறுவனம் ஒன்றின் நிர்வாக அதிகாரி எனக் கூறப்படும் ஒருவர்  கைது செய்யப்பட்டதாக பாணந்துறை பிரிவு குற்றப் புலனாய்வுப் பிரிவு தெரிவித்துள்ளது.

சந்தேக நபர் 34 வயதுடைய கம்பஹா ஆயுர்வேத மருந்து நிறுவனம் ஒன்றின் முகாமைத்துவ உத்தியோகத்தரும் வாத்துவ மொரொந்துடுவ பிரதேசத்தை வசிப்பிடமாகவும் கொண்டவரும் என சிரேஷ்ட பொலிஸ் அதிகாரி ஒருவர் தெரிவித்துள்ளார்.

நீர்கொழும்பு பிரதேசத்தைச் சேர்ந்த ஒருவர் பாணந்துறை பொலிஸ் அத்தியட்சகரிடம் செய்த முறைப்பாட்டின் அடிப்படையில் சந்தேக நபர் கைது செய்யப்பட்டுள்ளார். 

சந்தேக நபர் போலந்தில் வேலை பெற்றுத் தருவதாகக் கூறி எட்டு பேரிடம்  பல இலட்சக் கணக்கான  ரூபாவை பெற்று மோசடி செய்துள்ளமை  விசாரணைகளில் தெரிய வந்துள்ளது.