தவறவிடாதீர்கள்..!உடனே பதிவு செய்யுங்கள்

பளு தூக்கலில் சாதனை படைத்து வவுனியா மண்ணுக்கு பெருமை சேர்த்த வவுனியா பளு தூக்கல் கழகத்தை சேர்ந்த வீராங்கனைகளை பாராட்டும் விதமாக உதவி மாவட்ட செயலாளர் எம். சபர்ஜா, மாவட்ட விளையாட்டு அலுவலர் தே. அமலன், பூப்பந்து பயிற்சியாளர் த. கமலன், விளையாட்டு அதிகாரி பா. பாசில், டி. விந்துஜன் ஆகியோரால் நேற்று புதன்கிழமை (நவ 16) மாவட்ட செயலகத்தில் கௌரவிக்கப்பட்டனர்.

இலங்கை பளு தூக்குதல் சம்மேளனத்தால் (Sri Lanka Weightlifting Federation) கடந்த 10, 11ஆம் திகதிகளில் பொலன்னறுவையில் நடத்தப்பட்ட தேசிய பளு தூக்கல் சம்பியன்ஷிப் 2022 (National Weightlifting Championship 2022) போட்டியில் வவுனியா பளு தூக்கல் கழகத்தை சேர்ந்த தி.கோசியா (youth), நி.சுஸ்மிதாகினி (senior), பா.செரோண்யா (senior) ஆகியோர் பதக்கங்களை பெற்றிருந்தனர்.

வவுனியா பளு தூக்கல் கழகத்தின் பயிற்றுவிப்பாளர் ஞா. ஜீவனின் நெறிப்படுத்தலில் இந்த மாணவிகள் பளு தூக்கும் போட்டிகளில் பங்குபற்றி பதக்கங்களை பெற்றுள்ளனர் என்பது குறிப்பிடத்தக்கது.