தவறவிடாதீர்கள்..!உடனே பதிவு செய்யுங்கள்

வீதிப் போக்குவரத்து விதிமீறல் தொடர்பான சட்டத்தை அமுல்படுத்தச் சென்ற போக்குவரத்து பொலிஸ் உத்தியோகத்தரின் கடமைகளுக்கு இடையூறு விளைவித்து,  தற்காலிக சாரதி அனுமதிப்பத்திரத்தை  கிழித்த சீன நபர் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்டவர் இலங்கையில் ஆங்கில ஆசிரியராகப் பணிபுரியும் (40) வயதுடைய சீனர் என பொலிஸார் தெரிவிக்கின்றனர்.

நேற்று (13) கொள்ளுப்பிட்டியை அண்மித்த பகுதியில் சந்தேக நபர் வீதிப்போக்குவரத்துச் சட்டத்தை மீறி வாகனம் செலுத்தியதை கொழும்பு போக்குவரத்து கட்டுப்பாட்டு  பாதுகாப்பு கெமரா கட்டுப்பாட்டு பிரிவினர் அவதானித்ததையடுத்து கொள்ளுப்பிட்டி பொலிஸாருக்கு அறிவிக்கப்பட்டது.

இதனையடுத்து கொள்ளுப்பிட்டி பொலிஸின் போக்குவரத்து பிரிவு பொலிஸ் கான்ஸ்டபிள் சந்தேக நபரை துரத்திச் சென்று, அவரது வாகனத்தை நிறுத்தி, சட்டத்தை அமுல்படுத்தச்  செல்லும்போது, பொலிஸ் கடமைக்கு இடையூறு விளைவித்ததால்  அவர் உடனடியாகக் கைது செய்யப்பட்டார்.  

சந்தேக நபர் கோட்டை நீதிவான் முன்னிலையில் ஆஜர்படுத்தப்படவுள்ளார். சம்பவம் தொடர்பில் கொள்ளுப்பிட்டி பொலிஸார் விசாரணைகளை மேற்கொண்டு வருகின்றனர்.