தவறவிடாதீர்கள்..!உடனே பதிவு செய்யுங்கள்

யாழ். தெல்லிப்பளை மகாஜன கல்லூரியின் மாணவர் பாராளுமன்ற கன்னி அமர்வும் அமைச்சர்களின் பதவியேற்பு நிகழ்வும் நேற்று வியாழக்கிழமை (நவ 10) நடைபெற்றது.

இந்நிகழ்வுகள் கல்லூரி சபாநாயகர் மோகனா சதானந்தநாதன் தலைமையில் இடம்பெற்றது.

இதில் பாடசாலை அதிபர் மணிசேகரன்,  வலிகாமம் கல்வி வலய அதிகாரிகள், பாடசாலையின் ஆசிரியர்கள், மாணவர்கள் என பலரும் கலந்துகொண்டனர்.

இதன்போது கல்லூரியின் 10 அமைச்சர்கள் 10 பிரதியமைச்சர்கள் மற்றும் சபை உறுப்பினர்கள் சத்திய பிரமாணம் செய்துகொண்டனர்.

மேலும், மாணவ பாராளுமன்றத்தின் அமைச்சர்கள், பிரதி அமைச்சர்கள் தமது அமைச்சரவை சார்பாக கருத்துக்களை வெளியிட்டனர்.

இளைஞர் சமுதாயத்தை பாராளுமன்ற பிரதிநிதித்துவப்படுத்துவதில் உள்ள குறைபாடுகளை நீக்கி, இனிவரும் காலங்களில் இளைஞர் சமுதாயத்தை பாராளுமன்ற பிரதிநிதித்துவப்படுத்தும் நோக்கிலேயே பாராளுமன்ற அமர்வு முறை பாடசாலைகளில் உருவாக்கப்பட்டுள்ளமை குறிப்பிடத்தக்கது.