தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

தங்கல்ல மற்றும் பேருவளை பொலிஸ் பிரிவிற்கு உட்பட்ட பகுதிகளில் பொலிஸ் போதைப்பொருள் தடுப்பு பிரிவினரால் மேற்கொள்ளப்பட்ட விசேட சுற்றிவளைப்பு களில் ஹெரோயின் போதைப்பொருளுடன் இருவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

மாத்தறை

பொலிஸ் போதைப்பொருள் தடுப்பு பிரிவினருக்கு கிடைக்கப்பெற்ற இரகசிய தகவலுக்கு அமைவாக கடந்த ஞாயிற்றுக்கிழமை தங்கல்ல பொலிஸ் பிரிவிற்கு உட்பட்ட குடாவெல்ல பிரதேசத்தில் மேற்கொள்ளப்பட்ட சுற்றிவளைப்பில் 

544 கிராம் 300 மில்லி கிராம் ஹெரோயின் போதைப்பொருளுடன் நபர் ஒருவர் கைது செய்யப்பட்டுள்ளார்.

இதன்போது கைது செய்யப்பட்டவர் 43 வயதுடைய ஒருவர் எனவும் அவர் நாகுலுகமுவ பிரதேசத்தைச் சேர்ந்தவர் எனவும் பொலிஸார் தெரிவித்துள்ளனர்.

சந்தேகநபர் தங்கல்ல நீதவான் நீதிமன்றில் ஆஜர்ப்படுத்தப்பட்டு அவர் 7 நாட்கள் தடுப்பு காவலில் வைத்து விசாரிப்பதற்கு உத்தரவிடப்பட்டுள்ளது.

இந்நிலையில், குறித்த சந்தேக நபரிடமிருந்து மேற்கொள்ளப்பட்ட மேலதிக விசாரணைகளின் போது பேருவளை பொலிஸ் பிரிவிற்கு உட்பட்ட அபெப்பிட்டிய பிரதேசத்தில் உள்ள வீடொன்றினை பரிசோதனைக்கு உட்படுத்திய போது 7 ஹெரோயின் போதைப்பொருள் பொதிகளுடன் ஒருவர் கைது செய்யப்பட்டுள்ளார். இதன்போது அங்கிருந்து 8 கிலோ 304 கிராம் ஹெரோயின் போதைப்பொருள் மீட்கப்பட்டுள்ளது.

கைது செய்யப்பட்ட சந்தேக நபர் 42 வயதுடைய ஒருவர் எனவும் அவர் பெருவளை பிரதேசத்தைச் சேர்ந்த ஒருவராவர்.

சந்தேகநபர் களுத்தறை நீதவான் நீதிமன்றில் ஆஜர்படுத்தப்பட்ட 7 நாட்கள் தடுப்பு காவலில் வைத்து விசாரிப்பதற்கு உத்தரவிடப்பட்டுள்ளது.

சம்பவம் தொடர்பில் மாத்தறை உப பொலிஸ் போதைப்பொருள் தடுப்பு குழுவினர் மேலதிக விசாரணைகளை முன்னெடுத்துள்ளார்கள்.